«Taza Qazaqstan», «Taza jaǵalaý», «Taza orman», «Bulaq kórseń – kózin ash», «Qoqys joq!» aksııalaryna oqýshylar, jergilikti turǵyndar, jergilikti bıznes qoǵamdastyq ókilderi, 500-den astam eriktiler qatysty.
«Qumyrsqa ıleýi» aksııasy barysynda eriktiler qumyrsqa ıleýlerin qorshady. «Tynysta, tal butaq!» aksııasy aǵash butaqtaryn olardyń ósýine kedergi keltiretin eski baılaýlardan bosatýǵa kómektesti jáne aǵashtardyń zaqymdanýyn boldyrmady.
«Eko-qozǵalys qarqyn alyp, ulttyq park ınspektorlarynyń jumysyna eleýli qoldaý kórsetip otyrǵanyn baıqaý, seziný – óte qýanyshty. Eriktiler sany men olardyń ekologııalyq sana-sezimi, habardar bolý deńgeıi ósip keledi. Eńbek ujymdary bizge kómek qolyn usyna bastady. Bul óte jaqsy belgi», dep atap ótti «Býrabaı» MUTP bas ormanshysy Baýyrjan Mahmetov.
Bul is-sharalar ekologııalyq tepe-teńdikti qoldaýda ǵana emes, jas qazaqstandyqtardy ekologııalyq tárbıeleýde de mańyzdy qadam boldy.
«Mundaı aksııalarǵa qatysqan saıyn men tabıǵatymyzdyń bolashaǵy úshin jaýapkershilikti sezinemin. О́z jumysyńnyń nátıjelerin jáne taza ormandy kórý – keremet sezim», – deıdi Býrabaı kentindegi Sáken Seıfýllın atyndaǵy mekteptiń oqýshysy Kamıla Músilimova.
«Býrabaı» MUTP dıreksııasy bıylǵy ekologııalyq aksııalar maýsymynyń aıaqtalǵanyn jarııalady, biraq park qyzmetkerleri, eriktiler de tabıǵatty qorǵaý máselelerine qyzyǵýshylyq kelesi jyly da arta túsetinine senimdi.
