Sýret: gov.kz
Memlekettik qyzmet endi úshinshi tulǵalarǵa, ıaǵnı 18 jasqa tolmaǵan balanyń qamqorshylaryna jáne áreketke qabiletsiz nemese áreket qabileti shektelgen kámeletke tolǵan azamattardyń zańdy ókilderine qoljetimdi boldy. 6-nysandaǵy anyqtama ótinish berýshiniń atynda múliktiń bar nemese joq ekenin rastaıdy, al 2-nysandaǵy anyqtama múlikke menshik quqyǵy jáne oǵan salynǵan shekteýler, mysaly, qamaý nemese kepil týraly aqparatty qamtıdy. Bul málimetter jyljymaıtyn múlikpen jasalatyn mámileler, nesıe alý, turǵyn úı baǵdarlamalaryna qatysý jáne basqa da quqyqtyq jáne ákimshilik rásimder úshin qajet.
Anyqtamalardy alý úshin zańdy ókilderge eń áýeli «eGov.kz» portalynda avtorızasııadan ótip, «Jyljymaıtyn múlik» – «Satyp alý, satý, jalǵa alý» bólimderine ótý qajet. Sodan soń «F-6 anyqtamasy (múliktiń bar ekeni týraly)» nemese «F-2 anyqtamasy (múlikke shekteýlerdiń, kepildiń, qamaýdyń joqtyǵy týraly)» qyzmetti tańdap, «Balaǵa (18 jasqa deıingi, onyń ishinde qamqorlyqtaǵy jáne qorǵanshylyqtaǵy balaǵa)» nemese «Zańdy ókil (áreketke qabiletsiz nemese áreket qabileti shektelgen kámeletke tolǵan azamattarǵa)» nusqasyn tańdaý kerek. Qyzmettiń nátıjesimen paıdalanýshy jeke kabınet arqyly tanysa alady.
Aıta keteıik, bul qyzmetti Oqý-aǵartý mınıstrligi, sondaı-aq Eńbek jáne halyqty áleýmettik qorǵaý mınıstrligi Sıfrlyq damý, ınnovasııalar jáne aeroǵarysh ónerkásibi mınıstrligimen birlesip ázirledi.
