Sýret: primeminister.kz
Dıalog barysynda qonaqtarǵa elimizdegi qazirgi makroekonomıkalyq jaǵdaı, ınvestısııalyq ahýaldy jaqsartý boıynsha atqarylyp jatqan jumystar, ınfraqurylym men óńdeý ónerkásibi salasyndaǵy jańa baǵdarlamalar men jobalar týraly aqparat berildi.
Bank qyzmetiniń ereksheligin eskere otyryp, elimizde kólik, energetıka, sý jáne áleýmettik ınfraqurylymdy jańǵyrtý men salýǵa baǵyttalǵan Úkimettiń bastamalaryna erekshe nazar aýdaryldy.
«Biz Azııa ınfraqurylymdyq ınvestısııalar bankimen odan ári yntymaqtastyqtyń keleshegin joǵary baǵalaımyz. Qazaqstannyń jańa ınvestısııalyq sıklge aıaq basyp otyrǵanyn ári búgingi tańda halyqaralyq qarjy ınstıtýttarymen qatar jeke ınvestorlardy da ınvestısııalyq turǵydan qyzyqtyratyn birqatar iri jobany usynyp otyrǵanyn atap ótkim keledi», dedi vıse-premer.
Konstantın Lımıtovskıı Qazaqstan AIIB quryltaıshylarynyń biri retinde bankti qurý men damytýda eleýli ról atqarǵanyn atap ótti. Yntymaqtastyqty keńeıtýdiń orasan zor áleýetin moıyndaı otyryp, AIIB elimizdiń Ulttyq damý josparyn tabysty júzege asyrýǵa úles qosýǵa, sondaı-aq 2060 jylǵa qaraı kómirtegi beıtaraptyǵyna qol jetkizý úshin dekarbonızasııaǵa degen umtylysyn qoldaýǵa daıyn.
AIIB men Ulttyq ekonomıka mınıstrligi arasyndaǵy kezdesý aıasynda úsh jyldyq ınvestısııalyq jospardy birlesip ázirleý nıeti týraly Deklarasııaǵa qol qoıyldy, ol yqtımal qarjylandyrý úshin sektorlardy, salalar men jobalardy kórsetetin bolady.
