Oraldyq stýdent elektromobıl qurastyryp shyqty

ORAL. 15 maýsym. Batys Qazaqstan oblysynyń ortalyǵy – Oral qalasyndaǵy joǵary oqý oryndarynyń birinde bilim alatyn stýdent elektromobıl qurastyryp shyqty. Kólik óte únemdi jáne ekologııalyq taza. Ol qýat kózin ózdiginen kún energııasyn elektr energııasyna aınaldyratyn qondyrǵydan alady. Bul týraly egemen.kz tilshisi habrlady. Sergeı Ofıserov esimdi stýdent elektromobıldi eski «Oka» kóliginiń negizinde qurastyrdy. О́nertapqyshqa joǵary oqý ornyndaǵy ustazdary men birge oqıtyn dostary kómektesti. Kólikti qýattandyrý úshin toq kózine qosýdy qajeti joq. Janarmaı arqyly jumys isteıtin qozǵaltqyshtyń ornynda elektromotor ornatylǵan. Ol kóliktiń tóbesindegi kún energııasynan qýat alatyn batareıa arqyly jumys isteıdi. Kólik saǵatyna 100 shaqyrym jol júre alady. Qýaty 10 kılovattyq elektromotor janarmaı arqyly jumys isteıtin qozǵltqyshtan esh kem emes. Tipti 500 kg-dyq «Oka» salmaǵy 4 tonna bolatyn «Hammer» jol talǵamaıtyn kóligin de súırep shyǵa alady. Sonyń ózinde jyldamdyǵyn saǵatyna 30 shaqyrymǵa deıin kóbeıtýge múmkindigi bar. Bul ınnovasııalyq jańalyqty tek avtokólikterge emes, velosıpedke de qoldanýǵa bolady. Sergeı Ofıserov ónertýyndysyn Reseıdiń Máskeý oblysyndaǵy Dýbna qalasynda ótken ǵylymı-tájirıbelik konferensııa kezinde kópshiliktiń nazaryna usyndy. Reseı ǵalymdary oraldyq jas ǵalymnyń eńbegin joǵary baǵalap, oǵan Dýbna ýnıversıtetinde magıstratýrada tegin oqý úshin bilim grantymen marapattady. Endi Sergeı aldaǵy qyrkúıekte atalǵan oqý ornynda bilimin jalǵastyratyn boldy. Temir Qusaıyn. Derek: egemen.kz. Sýret: uralskweek.kz.