foto ru.freepik.com
Uıym basshysy jalǵan kýálik bergeni úshin kommersııalyq satyp alý retinde zańsyz aqsha qarajatyn ıemdengen. Bul derekti QR Qarjylyq monıtorıng agenttiginiń Pavlodar oblysy boıynsha ETD qyzmetkerleri anyqtady.
Tekserý barysynda oqytýdyń is júzinde júrgizilmeı, qujattar formaldy túrde jasalǵany belgili boldy.
«Elektro-gazben dánekerleýshi mamandyǵyn alǵan adam qurylys, munaı óndirý sekildi mańyzdy salalarda jaýapty qyzmet atqaratyndyqtan, oqytýsyz sertıfıkat berý qaýipti», delingen vedomstvo habarlamasynda.
Aqsý qalalyq sotynyń úkimimen kásiporyn basshysy kináli dep tanylyp, oǵan oqytý-bilim berý qyzmetimen baılanysty kommersııalyq uıymdarda basshy laýazymdardy atqarý quqyǵynan 2 jylǵa aıyra otyryp, 1 jyl 6 aı merzimge bas bostandyǵyn shekteý jazasy taǵaıyndaldy.
