Foto: www.gov.kz
Zeınetaqy jınaqtarynyń 96,25% mólsheri MZJ esebinen qalyptasqan, qazirgi ýaqytta onyń kólemi shamamen 20,1 trln teńgege jetti (bir jyldaǵy ósim – 23,9%, jyl basynan beri – 16,3%). Mindetti kásiptik zeınetaqy jarnalary (MKZJ) esebinen zeınetaqy jınaqtary - 627 mlrd teńge, bir jyldaǵy ósim – 17,7%, al jyl basynan beri 10,3% artty. Eń úlken ósimdi (jylyna 49,2%, jyl basynan beri - 33,2%) erikti zeınetaqy jarnalary (EZJ) boıynsha jınaqtar kórsetti, onyń kólemi - 7 mlrd teńge.
2024 jylǵy 1 qańtardan bastap salymshylardyń (alýshylardyń) zeınetaqy shottaryna qosymsha qarajat – jumys berýshiniń mindetti zeınetaqy jarnalary (JMZJ) túse bastady. 2024 jyldyń 8 aıynda JMZJ esebinen zeınetaqy jınaqtarynyń somasy shamamen 148,9 mlrd teńgege jetti.
«Zeınetaqy jınaqtarynyń kólemi zeınetaqy jarnalary men ınvestısııalyq kiris túrindegi kiris aǵyndary esebinen ulǵaıady. 2024 jylǵy qańtar-tamyz aılarynda salymshylardyń shottaryna túsken zeınetaqy jarnalary shamamen 1,78 trln teńge boldy (ósim ótken jylǵy kórsetkishpen salystyrǵanda 29,5% nemese 406,01 mlrd teńgege artyq). Jarnalardyń barlyq túrleri oń sıpatty kórsetti: MZJ esepke alynatyn jeke zeınetaqy shottaryna (JZSh) jyl basynan beri 01.09.2024 jylǵa deıin 1,6 trln teńge (bul ótken jyldyń sáıkes kezeńimen salystyrǵanda 19,3% artyq) tústi, MKZJ esepke alynatyn JZSh-ǵa shamamen 75 mlrd teńge (ósim 19,3%), EZJ – 2,1 mlrd teńge (ósim 43,4%) jınaldy», delingen BJZQ habarlamasynda.
BJZQ salymshylarynyń jeke jáne shartty zeınetaqy shottaryna eseptelgen taza ınvestısııalyq kiris jyl basynan beri shamamen 1,9 trln teńgege jetti. Bul soma ótken jylmen salystyrǵanda 883,05 mlrd jýyq teńgege (nemese 85,3%) artyq.
