Fotolar: «Amanat» partııasynyń baspasóz qyzmeti
«Amanat» partııasynyń baspasóz qyzmetinen málim etilgendeı, qazirdiń ózinde Qazaqstan jyl saıyn shamamen 4-5 mlrd kVt/saǵ elektr energııa ımporttaıdy. Negizinen, atalǵan elektr qýaty elimizdiń soltústik óńirinen ońtústik óńirge jóneltiledi. Atalǵan aımaqtarda energııa tapshylyǵy baıqalady.
«Referendýmnyń mańyzy men mindetterin jan-jaqty túsindirý úshin Halyq shtaby quryldy. Onyń quramynda depýtattar, partııalar men túrli uıymdar jáne el erteńine beı-jaı qaramaıtyn belsendi azamattar bar. Qazirgi ýaqytta elimizde jumys istep turǵan kómir stansalarynyń tozý deńgeıi shamamen 70 paıyzǵa jetti. Elimizdegi baı tabıǵı resýrstardyń kóbi qaıta qalpyna kelmeıtin resýrstar ekenin eskerýimiz kerek. Sondyqtan erteńgi kúnge degen senimdi arttyratyn turaqty jáne qaýipsiz energııa kózi qajet. Bul rette dál osy AES uzaq jyldar boıy energııamen qamtamasyz etetin áleýetke ıe», dedi Máýlen Áshimbaev.
О́z kezeginde, Qazaqstan Azamattyq alıansynyń prezıdenti Baný Nurǵazıeva AQSh, Qytaı, Fransııa sııaqty damyǵan elder beıbit atomnyń energııasyn belsendi paıdalanatynyn aıta kele, ýran qory boıynsha 2-shi jáne ony óndirý isinde 1-shi orynda turǵan Qazaqstan da atom energetıkasyn damytýǵa tıis ekenin atap ótti.
Kompanııa qyzmetkerleri atom energetıkasy turaqty energııamen qamtamasyz etýge jáne el ekonomıkasynyń ósýine jaǵdaı jasaýǵa qabiletti jalǵyz sheshim ekenin atap ótti.
