EŃBEK JOLY – HALQYNA ADAL QYZMET ETÝ О́NEGESI

Prezıdent poshtasynan Memleket basshysynyń atyna Qaraǵandydaǵy “Eýrazııa” halyqaralyq ekonomıkalyq akademııasynyń akademıgi, professor S.Dosmaǵambetovten jedelhat kelip tústi, dep habarlady Qazaqstan Respýblıkasy Prezıdentiniń baspasóz qyzmeti. Avtor “Qazaqstan Respýblıka­sy­nyń keıbir konstıtýsııalyq zań­da­ry­na Qazaqstan Respýblıkasy Tuń­ǵysh Prezıdentiniń – Elba­sy­nyń qyzmetin qamtamasyz etý sa­lasynda zańnamany jetildirý má­seleleri boı­ynsha ózgerister men tolyqtyrýlar engizý týraly” Zańnyń kúshine engenin zor qanaǵattanýshylyqpen qabyl alǵanyn habarlaıdy. Akademık 1991 jyldyń ózinde-aq Nursultan Ábishuly Nazarbaev táýelsiz Qazaqstandy órkendi elge aınaldyrýdy maqsat etip qoıǵanyn eske salady. “Qysqa merzimde Siz bul min­detti oıdaǵydaı júzege asyrdyńyz jáne búkilálemdik tarıhqa jańa egemen de táýelsiz memleketti qurýshy retinde endińiz. Sizdiń eńbek jolyńyz – óz hal­qyna, onyń múddelerine adal qyzmet etýdiń jarqyn ónegesi. Siz bizdiń elimizde óndiristik-sharýa­shy­lyq jáne saıası basqarýdyń barlyq baspaldaqtarynan, kezeńderi men kezderinen óttińiz. Álemdik prak­tı­kada Memleket basshysy metallýrg bolyp jumys istep, óndiris ujy­myn, qalany, oblysty jáne respýblıkany basqarý jóninde zor tájirıbesiniń bolýy jáne óz eli úshin sonshalyqty kóp is atqaryp úlgerýi bul – biregeı oqıǵa. Siz shyn mánindegi Elbasysyz! Sizdi eńbek sińirgen márte­be­ńizben – Elbasylyǵyńyzben shyn júrekten quttyqtaımyn. Sizge myqty densaýlyq, uzaq ǵumyr, Sizdiń basshylyǵyńyzben Qazaqstannyń órkendeı berýin tileımiz”, – delingen jedelhatta.