Jaqynda osy aýylda Ekinshi dúnıejúzilik soǵys kezinde ushaqpen 300 ret áýege kóterilgen qaharman ushqyshtyń eskertkishi ornatyldy. Qurmanǵazy aýdany ákiminiń orynbasary Amangeldi Muratovtyń aıtýynsha, osyǵan baılanysty eskertkish jobasy oblystyq tarıhı-mádenı eskertkishterdi qorǵaý komıssııasynda qaralǵan. Úzdik dep tanylǵan eskertkishtiń avtory – mádenıet qaıratkeri, Qazaq ulttyq óner ýnıversıtetiniń professory, músinshi Baqytbek Muhamedjanov.
«Hıýaz Dospanova – soǵys kezinde qazaqtyń qaısar ult ekenin tanytqan qaharman. Soǵystan keıin elimizdiń órkedeýine úlesin qosty. Ekinshi dúnıejúzilik soǵysta erligimen aty shyqqan batyrdyń esimin urpaq jadynda qaldyrýdy kózdedik. Bul eskertkish – qaharman rýhyna qurmetimizdiń bir parasy. Maıdangerlerdiń erligin ulyqtaýǵa arnalǵan is-sharalar jalǵasyn tabady», deıdi Amangeldi Muratov.
Jańatalap aýlyndaǵy ardagerler keńesiniń tóraǵasy Serik Saparǵalıevtiń pikirinshe, jas urpaq beıbit kúnge jetkizgen maıdangerlerdiń erligin umytpaýy qajet. Qaharman ushqyshtyń týysy Erjan Rysqalıev osyndaı oıyn bildirdi. Is-shara kezinde jergilikti ónerpazdar Gúlzada Jumalıeva, Jadyra Oqasheva án shyrqady. Al Jazıra Sársenǵalıeva «Batyr qyzdyń» monologin oqydy.
«Mundaı eskertkishter jas býyndy otanshyldyqqa tárbıeleıdi. Sol sebepti týyndyda qazaqtyń qaısarlyǵyn, rýhyn kórsetýge tyrystym», deıdi músinshi Baqytbek Muhamedjanov.
Atyraý oblysy
