Sýret: ru.freepik.com
Joǵarydaǵy jaýapty mınıstrlik pen Aqtóbe oblysynyń ákimdigi «Sıfrlyq tehnologııalardy paıdalanyp Aqtóbe oblysyndaǵy shaǵyn jınaqty aýyl mektepteriniń áleýetin damytý» atty qanatqaqty jobasynyń qorytyndylary respýblıkalyq semınarda talqylandy. Joba «Qazaqstan halqyna» qorynyń, Bilim berýdi turaqty damytý qorynyń qoldaýymen, Oqý-aǵartý mınıstrliginiń bastamasymen Aqtóbe oblysynyń ákimdigimen birlesip júzege asyryldy.
Joba qorytyndysyna kelsek, jalpy qanatqaqty joba Aqtóbe oblysy boıynsha 10,5 myńnan asa oqýshy bilim alatyn 134 shaǵyn jınaqty mektepti qamtıdy. Tirek mektepterdiń oqytýshylary sabaq berýde strımıngtik oqytýdyń sıfrlyq sheshimderin qoldandy. Joba nátıjesinde mektepterde onlaın oqytýǵa arnalǵan jańartylǵan sıfrlyq kabınetter men laboratorııalyq jumystar júrgiziletin ǵylym kabınetteri ashyldy, osyǵan qosa 1000-nan kóp pedagog «О́rleý» biliktilikti arttyrý ulttyq ortalyǵy ázirlegen eki bilim berý baǵdarlamasy boıynsha oqydy. Y.Altynsarın atyndaǵy Ulttyq bilim akademııasy ǵylymı-ádistemelik jaǵynan súıemeldegen. Jobany júzege asyrý kezinde mektepterdiń 77,4%-da joǵary jyldamdyqty ınternetke qosylyp, pedagogıkalyq kadrlar tapshylyǵy máselesi sheshimin taýypty.
Oqý-aǵartý birinshi vıse-mınıstri Natalıa Jumadildaeva joba týraly: «Mınıstrlik aýyldyq jáne jalpy shaǵyn jınaqty mektepterdi damytý boıynsha júıeli jumystar júrgizip keledi. 8 myń mekteptiń 67,4%-y aýyldyq jerlerde ornalasqan, sondaı-aq 51,2%-y shaǵyn jınaqty oqý oshaǵy sanalady. Mundaı mektepterdiń basym bóligi – Soltústik Qazaqstan, Qostanaı, Aqmola, Pavlodar, Batys Qazaqstan jáne Aqtóbe oblystarynda. Aqtóbe oblysynda júzege asyrylǵan qanatqaqty jobanyń nátıjesinde aýyl mektepterinde bilim sapasy pen oqytý tıimdiliginiń aıtarlyqtaı artqanyn baıqap otyrmyz. Bul joba joǵaryda atalǵan óńirlerde 2025-2026 jyldarda iske qosylady», dedi.
