“ALTYN BELGILI” TÚLEKTER

О́tken senbide 11 jyl boıy alǵan bilim deńgeılerin abyroımen dáleldep shyqqan astanalyq “Altyn belgi” ıegerlerine qala ákimi Imanǵalı Tasmaǵambetov tósbelgilerin tabys etti. Bul saltanatty shara “Qazaq eli” monýmenti alańynda ótti. Ulttyq biryńǵaı testileý qory­tyndysy boıynsha Astana elimizdegi eń joǵary kórsetkishti ıelenip, bilim sapasy jóninen alǵashqy orynǵa shyqty. “Altyn belgige” úmitti 133 mek­­tep bitirýshi túlek ishinen — 90, al úzdik attes­tat­qa tapsyrǵan 102 oqý­shydan 39-y óz bilimderin laıyqty dárejede dá­leldep shyqty. Sóıtip, UBT qo­rytyndysy boıynsha ortasha ball 97,4-ti qurasa, respýblıka boı­yn­sha 84,84-ti kórsetken. Bıyl Asta­na qa­lasynda 2 915 túlek sy­naq tap­syrdy. №40 mektep túlegi Saǵyndyq Ǵızat 125 ball jınap, eń joǵary ná­tıjege jetti. Júr­gizilgen sarapta­ma­ǵa júgin­sek, em­tı­handy dástúrli túrde tap­syrýǵa nıet bildirgen elordalyq 508 tú­lektiń 90 paıyzy el aýmaǵyn­daǵy jáne alys jáne jaqyn shetel­der­degi joo stýdenti atanyp úlgergen. Bıyl elordanyń Almatydan Astanaǵa kóshkenine 11 jyl tolyp otyr. Dál sol jyly mektep ta­baldyryǵyn alǵash attaǵan birinshi synyp oqýshylary búginde mektep bitirip otyrǵan túlekter. Mine, osy túlekterdi quttyqtaǵan qala ákimi Imanǵalı Tasmaǵambetov olarǵa “Altyn belgi” tósbelgisi men úzdik attestattaryn tapsyrdy. Venera TÚGELBAI.