PETROPAVL. 15 maýsym. QR Ulttyq ulan Petropavl áskerı ınstıtýty qabyrǵasynan túlekter bıyl 15-shi márte qanat qaǵyp, ofıser atandy. Olardyń qatarynda Qyrǵyzstan jáne Tájikstan ókilderi de bar. Bul týraly ınstıtýttyń baspasóz qyzmeti habarlady.
Elimizdegi eńseli joǵary oqý orny 1997 jyly qurylyp, 2009 jyly «áskerı ınstıtýt» mártebesi berildi. Byltyrdan beri Ulttyq ulan qaramaǵynda qyzmet etip keledi. Osy jyldar bederinde 2730 joǵary bilimdi áskerı maman kúshtik qurylymdarǵa joldama alsa, olardyń 239-y úzdik támamdady. 41-niń esimi áskerı ınstıtýttyń Qurmet taqtasyna jazyldy.
Saltanatty sharaǵa oblys ákiminiń orynbasary Vladımır Býbenko, Qyrǵyz Respýblıkasy Ulttyq gvardııasy qolbasshysynyń orynbasary Islambek Kenjekýlov, Tájik Respýblıkasy IIM-niń basqarma basshysy Nevrýz Týraev, ardagerler, jastar, kýrsanttardyń ata-analary men týǵan-týystary qatysty.
QR Ulttyq ulan qolbasshysynyń orynbasary, general-maıor Albert Mátkárimov oqý ornynyń basshysy Jumabek Ahmetovke Áskerı Týdy tabys etti.
Dıplomdar tapsyrý rásiminen keıin jurtshylyq konserttik jáne áskerı oıyndar baǵdarlamalaryn tamashalady.
О́mir Esqalı.
Derek, sýret: Petropavl áskerı ınsıtýty.
