Ol elektr energııasyna degen suranys arta túsken jaǵdaıda atom elektr stansııasyn salý jobasy Qazaqstannyń turaqty energııamen jabdyqtalýyn qamtamasyz etýdegi negizgi qadam ekenin atap ótti.
Kezdesýge qatysýshylar jalpyulttyq referendým máselesi boıynsha pikirlerin jarııa etti jáne halyq shtabynyń múshelerine suraqtar qoıdy. Senator atom elektr stansııasyn salýdyń elimizdiń bolashaǵyndaǵy strategııalyq mańyzyna toqtaldy.
«Atom elektr stansııasynyń qurylysy – elimizdiń energetıkalyq qaýipsizdigin nyǵaıtýǵa baǵyttalǵan aýqymdy jobanyń biri. Atom energetıkasynyń damýymen birge óndiristik áleýetti de arttyra alamyz, bul halyqtyń ál-aýqatyna tikeleı áser etedi», dedi Bıbigúl Jeksenbaı.
«Endohırýrgııa klınıkasy» JShS qyzmetkerlerimen kezdesý barysynda senator 6 qazanda ótetin referendýmǵa belsendi túrde qatysýǵa shaqyrdy.
«Prezıdent Qasym-Jomart Toqaev halyqqa Joldaýynda atom elektr stansııasyn salý máselesi jalpyulttyq referendým arqyly sheshiletinin atap ótti. Bul «halyq únine qulaq asatyn memleket» tujyrymdamasynyń aıqyn kórinisi. Biz ekonomıkalyq jeńiske ǵana emes, energetıkalyq táýelsizdikke de qol jetkizemiz, sondyqtan barlyq qazaqstandyqtardyń azamattyq ustanymyn kórsetýi mańyzdy», dep atap ótti ol.
Senator sonymen qatar №84 mektep-gımnazııa ujymymen kezdesý ótkizip, elimizdiń energetıkalyq bolashaǵynyń mańyzdylyǵyn jáne AES qurylysynyń ekonomıkaǵa áserin talqylady. Ol qajetti resýrstarǵa ıe Qazaqstan álemdik atom energetıkasy salasynda erekshe oryn alatynyn aıtty.
