Bul – synaq retinde qolǵa alynǵan joba. Oǵan Kıongıdo provınsııasyndaǵy 50 kompanııa qatysady. Jumys aptasy qysqarǵanda, jastardyń otbasyna kóńil bólýge ýaqyty kóbeıýge tıis. Qazir atalǵan memlekette demografıalyq daǵdarys ýshyǵyp barady. Bala týý kórsetkishi tómendep ketken. Jastar mansap qýyp, sábıli bolýǵa asyqpaıdy. Osyǵan baılanysty bılik otbasyn qurýǵa yntalandyratyn arnaıy baǵdarlamalardy qolǵa alyp jatyr. Tipti jalǵyzbasty jandarǵa kezdesý uıymdastyrady. Eger qarym-qatynasyn jalǵastyratyn bolsa, olarǵa aqsha tóleıdi. Budan bólek, baspana satyp alý, úı jaldap turýǵa da qarjylaı kómek bar.
Astanadaǵy Dısneılend
Elordada «Jibek joly» dep atalatyn aýqymdy ári tartymdy oıyn-saýyq kesheni salynbaq.
Jańa jobaǵa 10 mlrd dollar kóleminde ınvestısııa tartylady. Al aýdany 400 gektardan asady dep josparlanyp otyr. «Astana qalasy ákimdiginiń Astana Invest keńsesinde basqarma tóraǵasynyń orynbasary Orynbek Qýanysh «Ulkenbay» kompanııasynyń ókilderimen kezdesti. Jıynda Shanhaı qalasyndaǵy Dısneılendke uqsaıtyn attraksıondar parkiniń qurylysy boıynsha aýqymdy joba talqylandy. «Jibek joly» dep atalatyn oıyn-saýyq kesheni Qazaqstan men Qytaı mádenı erekshelikterin úılestiretin bolady», delingen «Astana arhıtektýra» paraqshasynda.
Jumbaq dybys anyqtaldy
Teńiz tolqyndary kóptegen jumbaqqa toly, sonyń ishinde «Bıotvang» atty mehanıkalyq sıpattaǵy erekshe dybys ǵalymdardy uzaq ýaqyt qyzyqtyrǵan qubylys boldy.
Bul erekshe dybys 2014 jyly Tynyq muhıtynyń batys bóliginde tirkeldi. Sodan beri onyń qaıdan, qalaı shyǵatyny beımálim bolyp kelgen edi.
Jaqynda ǵana Amerıka ǵalymdary Marıana shuńǵymasyndaǵy sol bir tylsym dybys kıttiń daýysy ekenin anyqtady. Aıta keteıik, zertteýshiler osy sheshimdi jasandy ıntellektiniń kómegi arqyly tapqan.
