Sot barysynda sottalýshy A. Shymkent qalasynyń Halyqqa qyzmet kórsetý ortalyǵynda bas maman qyzmetin atqaryp júrip, birneshe jábirlenýshilerge qatysty alaıaqtyq qylmystaryn jasaǵany anyqtalǵan.
- Sottalýshy A. 2022 jyly jábirlenýshi K.-ǵa alańy 20,0800 ga jer ýchaskesin onyń atyna jekeshelendirip berý, ári qaraı testileý ortalyǵyn ashyp, birge jumys jasaý, odan bólek, memlekettik baǵdarlamalar boıynsha páterdi arzan baǵaǵa alyp berý úshin aldap, asa iri mólsherde jalpy 113 000 000 teńgeni alaıaqtyq jolmen jymqyrǵan.
Qalǵan 14 kórinis boıynsha kórsetilgen tásilmen 14 jábirlenýshilerden memlekettik baǵdarlamalar boıynsha páter alyp beretinin aıtyp aldap, birneshe ret asa iri mólsherde bótenniń múlkin jymqyrýmen alaıaqtyq jasap, jalpy 71 356 000 teńge materıaldyq zııan keltirgen, – dedi sotta.
Sottalýshynyń kinási óz jaýaptarymen, jábirlenýshilerdiń jaýaptarymen, zattaı dáleldemelermen, alý hattamalarymen, bettestirý hattamalarymen jáne basqa da is boıynsha jınaqtalǵan dáleldemelerdiń jıyntyǵymen tolyq dáleldenedi.
Prokýror sottalýshy A.-ǵa bas bostandyǵynan aıyrý jazasyn taǵaıyndaýdy suraǵan. Al jábirlenýshiler sottalýshyǵa zańǵa saı, qatań jaza taǵaıyndaýdy surady.
- Sotpen, sottalýshy kinásin ishinara moıyndaǵany, shyn nıetpen ókinbegeni, 14 jábirlenýshilerdiń asa iri mólsherdegi talaptary jalpy 179 000 000 teńgeden asatyn zalal sommasy óndirilmegeni jáne jábirlenýshilerdiń keshirim bermegeni, zańmen kózdelgen bas bostandyǵynan aıyrý, qatań jaza taǵaıyndaý pikirleri eskerildi.
Sot, A.-ǵa QK-niń 190-baby 4-bóliginiń 2-tarmaǵymen 6 jyl 8 aı merzimge bas bostandyǵynan aıyrý jazasyn taǵaıyndady, – dedi sotta.
Sot úkimi zańdy kúshine engen joq.
