foto QR Mádenıet jáne aqparat mınıstrligi
Ataýly sharaǵa Qazaqstannyń QHR-daǵy Elshiliginiń keńesshi-ýákili Asqar Shalqarbaev pen Ulttyq mýzeıdiń dırektory Aıbek Sydyqov, partııa hatshysy jáne Qytaıdyń mádenı jádigerler ortalyǵynyń dırektory Tan Pın, Tıanszın mýzeıiniń dırektory Iаo Iаn, sondaı-aq mádenıet jáne týrızm basqarmasynyń, halyq úkimetiniń Syrtqy ister basqarmasynyń ókilderi qatysty.
«Altyn adam jáne Uly dala» kórmesine Qazaqstan Respýblıkasy Ulttyq mýzeıiniń qorynan 185 biregeı eksponat qoıylǵan. Kórme úsh taqyryptyq blokqa bólingen. Olardyń árqaısysy qazaq halqynyń materıaldyq jáne rýhanı mádenıetiniń damýynyń ártúrli aspektilerine arnalǵan.
Eksponattar arasynda erte temir dáýiriniń artefaktileri, Uly Jibek joly boıynda ornalasqan Qazaqstannyń ortaǵasyrlyq qalalarynan tabylǵan zattar, sondaı-aq dástúrli zergerlik buıymdar men sándik-qoldanbaly óner zattary bar», delingen Mádenıet jáne aqparat mınıstrligi baspasóz qyzmetiniń habarlamasynda.
Kórme 2025 jyldyń 12 aqpanyna deıin jalǵasyp, Tıanszın turǵyndary men qonaqtary Qazaqstannyń baı mádenı murasymen tanysa alady.
