Sýret: primeminister.kz
Aýa raıynyń qolaıly bolýynyń arqasynda 27 qyrkúıekke deıin elimizdiń negizgi astyq egetin óńirlerinde 13 mln ga jýyq alqap nemese 75%-y jınaldy. Egin jınaý naýqanyn qazan aıynyń sońyna deıin aıaqtaý josparlanǵan. Qazir maıly daqyldardy jınalyp jatyr.
О́nimdi keptirý agregattaryna arzandatylǵan dızel otyny men suıytylǵan gazdy tıep, jóneltý, 4-synypty arpa men bıdaıdyń baǵasy – jedel shtab otyrysynda qaralǵan negizgi máseleler boldy.
Aýyl sharýashylyǵy vıse-mınıstri Azat Sultanov habarlaǵandaı, 27 qyrkúıekte elevatorlarǵa 3,376 mln tonna astyq tústi, onyń 2,476 mln tonnasy – bıdaı. Bıdaıdyń jalpy kóleminde 1,4 mln tonnasy 3-synypty bıdaı (56,2%), 701,4 myń tonna – 4-synypty (28,3%), 263,1 myń tonna – 5-synypty (10,6%) astyq. Qambaǵa túsken arpanyń 95%-ǵa jýyǵy – 2-synypty arpa.
4-5-synypty bıdaı jınaýdy ulǵaıtý perspektıvasyn eskere otyryp, sharýalar osy astyqtyń forvardtyq satyp alý baǵasyn múmkindiginshe erte jarııalaýdy surap otyr. S.Jumanǵarın Azyq-túlik korporasııasyna kelesi aptada forvardtyq satyp alý baǵasyn jarııalaýdy tapsyrdy.
Negizgi astyq egetin óńirlerge astyq keptirý agregattaryna arnalǵan arzan baǵada suıytylǵan gaz jetkizý bastaldy. О́nimdi jınap, keptirýge qajetti dızel otynyn tıep jóneltý josparǵa sáıkes júrgizilip jatyr.
Kúzde topyraqqa engizý úshin qajetti mıneraldy tyńaıtqyshtardy jóneltý barysy jeke qarastyryldy. Sondaı-aq jóneltý tómen qarqynmen júrip jatqan óńirlerge syn aıtyldy.
