Jemqorlyqqa qarsy kúres týraly zańdy túzetý qaralady

Májilistiń jalpy otyrysynda keıbir zańnamalyq aktilerdi Kons­tıtýsııa normalaryna sáı­kes keltirýge baǵyttalǵan zań jo­basy birinshi oqylymda talqy­lanady. Konstıtýsııalyq sot «Sybaılas jemqorlyqqa qar­sy kúres týraly» zańnyń 13-ba­byn Konstıtýsııaǵa qaıshy keledi dep tapty. Memlekettik fýnksııalardy oryndaýǵa ýákilettik berilgen adamdarǵa teńe­stirilgen tulǵalarǵa qatys­ty qoldanystaǵy sybaılas jem­q­orlyqqa qarsy shekteýler olar­dyń quqyqtaryn buzatyny anyq­taldy. Osyǵan baılanysty zań jobasynda sybaılas jem­qor­lyqqa qarsy shekteýler másele­lerin retteıtin túzetýler engizý kózdelgen.

Sondaı-aq depýtattar sottal­ǵan adamdardy berý týraly Qazaq­stan-Vetnam arasyndaǵy shartty ratıfıkasııalaý týraly zań jobasyn da qaraıdy. Qujat bas bostandyǵynan aıyrý jazasyna kesilgen adamdardy óz azamattyǵy bar memlekette jazasyn óteý úshin elder arasyndaǵy qarym-qatynastardy retteýge baǵyttalǵan. Sonymen qatar jalpy otyrysta palata komıtetteri bir­qatar halyqaralyq shart­ty ratı­fıkasııalaý týraly zań jobalaryn jumysqa qabyldaıdy.