Sýret: ru.freepik.com
O.Perepechına HVQ-ǵa ekonomıkalyq jaǵdaıdy baǵalaý jáne ornyqty ósýge qol jetkizýge múmkindik beretin saıası sharalar arqyly usynystar berý máselesinde júıeli dıalog júrgizgeni úshin alǵysyn bildirdi.
«Osy maqsatqa jetý úshin Memleket basshysy halyqqa Joldaýynda jańa quraldar men múmkindikterdi izdeý arqyly qarjy, salyq-bıýdjet jáne aqsha-kredıt saıasatyn úılestirýdi jaqsartý qajettigi týraly mindet qoıdy. Sondaı-aq qazirgi ýaqytta Memleket basshysynyń tapsyrmasy boıynsha Parlament qabyrǵasynda Bıýdjet jáne Salyq kodeksteriniń jobalaryn jańa redaksııada qaraý jóninde jumys júrgizilip jatyr. Senattyń Qarjy jáne bıýdjet komıteti bul jumysqa kirisip ketti. Atap aıtqanda, zańnamalyq bastamadan basqa ártúrli alańdarda bıýdjet jáne salyq saıasaty máselelerin talqylaı otyryp, eleýli sharalar ótkizilip jatyr», dedi O.Perepechına.
Taraptar kezdesý barysynda ekonomıkany damytý keleshegine, memlekettik basqarý sektorynyń bıýdjetin daıyndaýdaǵy komıssııanyń róline, bıýdjet reformalarynyń osy kezdegi bıýdjettik qaǵıdalar men bıýdjettiń orta merzimdi kórsetkishterin iske asyrýǵa qatysty máselelerdi talqylady. Elimizdiń qarjylyq turaqtylyǵyn arttyrýǵa, sheteldik ınvestısııa tartýǵa, sondaı-aq ekonomıkany ártaraptandyrýǵa baǵyttalǵan strategııalyq sharalar erekshe nazarǵa alyndy.
N.Blanshe HVQ basshylyǵynyń atynan elimizdiń uzaq merzimdi ornyqtylyǵy men makroekonomıkalyq turaqtylyǵyn nyǵaıtýǵa baǵyttalǵan reformalarǵa qoldaý bildirdi.
