Fotolar: Oqu-agartu ministrligi
Oqý-aǵartý mınıstrliginen málim bolǵandaı, atalǵan uztazdar áýletiniń árbir ókiliniń eńbek ótilin qosyp eseptegende jalpy 374 jyldy quraıdy eken.
Ustazdar dınastııasy Moldabekov Qasen Sádýaqasulynan bastaý alypty, ol óz qyzmetin Qaraqudyq mektebinde matemıtıka pániniń muǵalimi bolyp bastap, keıin mektep dırektory bolǵan, jumys ótili 42 jyldy quraǵan. Onymen birge týǵan qaryndasy Muqasheva Kúljamal Sádýaqasqyzy, inisi Qasymtaı Sádýaqasuly da bilim salasynda eńbek etipti.
Olardyń balalary - Alma, Marjan, Mánshúk, Baýyrjan, Qaıyrjan otbasylyq dástúrdi jalǵastyrǵan. Olar ekinshi urpaq býynyndaǵy pedagogter.
Áýlettiń úshinshi býyny Qasymtaıdyń kelinderi – Aıgúl, Zaýresh, Áıgerim, sondaı-aq nemereleri Insar, Álibek, Aısulý da muǵalim mamandyǵyn tańdapty.
«Bizdiń áýletimiz qaı ýaqytta da pedagogıkamen tyǵyz baılanysty bolyp keldi. Ata-analarymyz barlyq sanaly ómirlerin óskeleń urpaqty oqytý men tárbıeleýge sarp etti, olar oqýshylaryna bilim ǵana berip qoımaı, ómirde qajetti qundylyqtardy sińirýge tyrysty. Biz kishkentaı kezimizden muny kórip óstik. Endi meniń de balalarym otbasynda kórgen tárbıeniń úlgisinde muǵalimdik joldy ózderi tańdady. Bul bizdiń otbasylyq dástúr ǵana emes, balalarǵa bilim berý, olardy óz balańdaı jaqsy kórý seziminiń, urpaq aldyndaǵy jaýapkershiliktiń balalaryma berilgeni úshin keýdemdi maqtanysh kerneıdi», deıdi Qaıyrjan Moldabekov.
