Ashyq derekkóz
- Júrek aýrýlarynyń jasarý tendensııasy 80-jyldardyń sońynan bastap baıqaldy. Infarkt shynymen de jasaryp ketti. Onyń negizgi sebebi - bizdiń ómir saltymyz. Qazir bizdiń jastar fastfýdpen, konservilengen ónimdermen, tiskebasarlarmen tamaqtanady. Az qozǵalady, kóbine kompıýter aldynda otyryp jumys isteıdi. Túnde uıaly telefonǵa qarap jatady da, kúndiz uıyqtaıdy. Kún tártibin saqtamaıdy, - deıdi maman Massaget.kz tilshisine.
Kardıolog Maqasheva Zýlfııa ortalyqqa mıokarda ınfarktisimen 28-35 jastaǵy naýqastar da túsetinin jasyrmady.
- Temeki tartý, alkogol ishý sekildi zııandy ádetter de júrek-qan tamyrlar aýrýlarynyń paıda bolý qaýpin arttyrady. Kóp qozǵalmaý, durys tamaqtanbaý artyq salmaqqa ákeledi. Al artyq salmaq - qaýip faktorlarynyń biri. Sondaı-aq kúızelistik jaǵdaılardyń tikeleı áseri bar. Qazir ómir qarbalas. Jastar az ýaqyttyń ishinde bárine jetkisi keledi. Bul olardyń kúızelistik jaǵdaıda júrýine yqpal etedi. Bizge mıokarda ınfarktisimen 28-35 jastaǵy naýqastar túsedi, - deıdi dáriger.
Qazir eresekter de, jasóspirimder de energetıkalyq sýsyndar ishedi. Dáriger energetıkalyq sýsyndardyń júrekke qaýpin túsindirip berdi.
- Qazir jastar energetıkalyq sýsyndardy kóp ishedi. Tipti kúnine 10 quty energetıkalyq sýsyn ishetin jastar bar. Olar mundaı sýsyndar jumys isteýge kómektesetinin aıtady. Sebebi túnde uıyqtamaıdy, kúndiz jumysy bar.
Energetıkalyq sýsyndardyń ishinde arterııalyq qysymnyń kóterilýine, júrek yrǵaǵynyń buzylýyna ákeletin kofeın jáne taýrın sekildi yntalandyrǵyshtar bar. Olar júrek soǵysyn jıiletedi. Bizde júrek soǵysy mınýtyna 200-250-ge deıingi paroksızmmen túsetin jas naýqastar bar. Bul nesimen qaýipti? Naýqas arıtmııalyq shokqa túsýi nemese ol júrektiń toqtap qalýyna ákelýi múmkin, - deıdi Zýlfııa Maqasheva.
Dárigerdiń aıtýynsha, energetıkalyq sýsyndardy kóp ishkennen keıin naýqastyń júregi toqtap qalǵany jáne jastardyń qaıtys bolǵany jaıly málimetter bar. Sondaı-aq kardıolog energetıkalyq sýsyndar júrek bulshyqetiniń zaqymdalýyna, ıaǵnı júrektiń uıaǵaıýyna ákeletinin eskertti. Bul kardıomıopatııaǵa, sodan soń sozylmaly júrek jetkiliksizdiginiń paıda bolýyna yqpal etedi.
