Respýblıkalyq bıýdjettegi transfertterdi qamtamasyz etý maqsatynda birqatar is atqarylyp jatyr. Mysaly, qyrkúıekte Ulttyq qordan 945 mln dollar valıýta satyldy. Ulttyq qordan satý úlesi jalpy saýda-sattyq kóleminiń 20%-yn qurady. Iаǵnı kúnine 45 mln dollardan aspaıdy. Ulttyq bank qor qarajatymen operasııalar júrgizý kezinde naryqtyń beıtarap qaǵıdatyn saqtaıdy. Bul shetel valıýtasyn udaıy jáne birkelki satýdy bildiredi. Mundaı tájirıbe Ulttyq qor operasııalarynyń valıýta naryǵyna áserin barynsha azaıtýǵa múmkindik beredi.
Ulttyq bank dereginshe, BJZQ zeınetaqy aktıvteriniń valıýtalyq úlesin 40%-ǵa deıin ulǵaıtý maqsatynda qyrkúıekte bırjalyq saýda-sattyqta shetel valıýtasyn satyp alý operasııasyn jalǵastyrdy. Onyń jalpy somasy 500 mln dollardy nemese naryqtyń jalpy kóleminiń shamamen 11%-yn qurady.
«Qazatomónerkásip» AQ aksııalaryn satyp alý týraly Úkimet sheshimin iske asyrý aıasynda Ulttyq bank shildede Ulttyq qordaǵy valıýtalyq aktıvterdiń bir bóligin satý arqyly Ulttyq banktiń altyn-valıýta rezervterine konvertasııalady. Naryqtyń beıtarap qaǵıdatyn saqtap, osy operasııany valıýta naryǵyna shyǵarý maqsatynda Ulttyq bank shilde aıynyń ortasynan bastap satyp alynǵan kólemdi birkelki satýǵa kiristi. Atalǵan operasııa aıasynda Ulttyq banktiń altyn-valıýta rezervterinen satý kólemi qyrkúıekte 241,5 mln dollardy qurady. 2024 jylǵy qazanda 240 mln dollardan 260 mln dollarǵa deıingi mólsherde altyn-valıýta rezervterinen valıýta satyp alý kútiledi.
2024 jylǵy qazanda BJZQ zeınetaqy aktıvteriniń valıýtalyq úlesin ustap turýǵa 850 mln dollardan 950 mln dollarǵa deıingi mólsherde valıýta satyp alý josparda bar.
Ulttyq bank transparenttilik qaǵıdaty aıasynda valıýta naryǵynda júrgiziletin barlyq operasııa týraly aqparatty tolyq ashyp kórsetýdi kózdeıdi. Qysqamerzimdi perspektıvada teńgeniń dınamıkasy naryqqa qatysýshylardyń kútýlerine, toqsandyq salyq tólemderine, álemdik naryqtardaǵy ahýalǵa, geosaıası jaǵdaıdyń ózgerýine baılanysty bolady.
