Foto: DALL-E
Qazirgi ýaqytta qalada vaksınanyń 12 myńnan astam dozasy bar. Josparly tártippen vaksınasııalaýǵa qala boıynsha barlyǵy 13 myńǵa jýyq 11 jastaǵy qyzdar jatady. Sondaı-aq 12-13 jas aralyǵyndaǵy qyzdarǵa tolyqtyra ımmýndaý qarastyrylǵan.
Vaksınasııa mektepterdiń medısınalyq kabınetterinde ata-analardyń nemese zańdy ókilderdiń aqparattandyrylǵan kelisimin alǵannan keıin júrgiziledi. Ata-analardyń qalaýy boıynsha vaksınasııa tirkelgen jeri boıynsha emhanalarda da júrgizilýi múmkin.
«Men vaksına týraly medbıkeden alǵan býkletten oqydym. Sodan keıin anamnan suradym, ol kelisti. Búgin vaksına aldym, aýyrǵan joq, qoryqpadym. Qazir ózimdi jaqsy sezinemin», dedi №75 mektep-gımnazııasynyń 8-synyp oqýshysy Adel Ýagızova.
APV vaksınasy óziniń tıimdiligi men qaýipsizdigin halyqaralyq deńgeıde dáleldedi. Búgingi tańda bul vaksına álemniń 135 elinde qoldanylady, sonyń arqasynda birqatar elde áıelder arasynda APV taralýy búgingi kúni 90%-ǵa tómendedi.
«11 jastan bastap qyzdarǵa APV-ǵa qarsy vaksınasııalaýdy bastaý – bizdiń óskeleń urpaqtyń bolashaq densaýlyǵyn qorǵaýdaǵy mańyzdy qadam. Bizdiń maqsatymyz – barynsha qorǵanysty qamtamasyz etý jáne halyq arasynda syrqattanýshylyqty azaıtý. Biz ata-analardy balalaryn qaýipti aýrýlardan saqtaý úshin osy múmkindikti paıdalanýǵa shaqyramyz», dep atap ótti elordalyq Qoǵamdyq densaýlyq saqtaý basqarmasynyń basshysy Álııa Rústemova.
