Qazaqstan – Reseı: Syndarly dıalog áriptestikti nyǵaıtady

Is-sharaǵa senatorlar An­dreı Lýkın, Ol­ga Býlav­kına, Janna Asanova, Nurııa Nııazova jáne Sáken Arýbaev qatysty. Olar reseılik árip­testerimen energetıka jáne kólik logıstıkasy salasyndaǵy ekijaqty yntymaqtastyqtyń negizgi máselelerin, óńiraralyq jáne shekara mańyndaǵy ózara is-qımyldyń kele­shegin, sondaı-aq Uly Otan soǵysy batyrlarynyń tarıhı esteligin saqtaý sharalaryn talqylady.

Jaqyp Asanov óz sózinde Reseı Qazaqstan úshin eń mańyzdy strategııalyq áriptes ári senimdi odaqtas ekenin atap ótti. Onyń aı­týynsha, eki el arasyn­da memleketaralyq baıla­nystyń barlyq salasyn qamtıtyn joǵary deńgeı­degi turaqty saıası dıalog qalyptasty. Eki eldiń memleket basshylarynyń saparlary strategııalyq árip­testikti tereńdetýge degen umtylysyn aıqyn kórsetedi.

«Prezıdentterdiń dos­tyq jáne senimdi qarym-qatynasy barlyq deńgeıdegi baılanystyń sıpatyn bel­gilep berdi. Eki el par­la­mentteriniń baılanystary boıynsha qarqyndy ún qatysý óristep keledi. Qazaqstan men Reseıdiń Úkimet basshylarynyń, sa­lalyq memlekettik organdar basshylarynyń kezdesýleri turaqty túrde ótip jatyr. Meniń oıymsha, biz óz tarapymyzdan komıssııanyń jumysy eki memleketke de barynsha paıda ákelýi úshin qoldan kelgenniń bárin jasaýymyz kerek», dedi J.Asanov.

Reseı tarapy óz kezeginde yntymaqtastyqty odan ári nyǵaıta túsýge daıyn ekenin bildirdi. Andreı Iаs­kın syndarly dıalog pen birlesken jobalardy iske asyrý ekijaqty qarym-qaty­nastardy damytýǵa jáne Reseı men Qazaqstan arasyndaǵy strategııalyq árip­testikti tereńdetýge yq­pal etetinin atap ótti.