Erteńge degen senim

Biz aldymen ózimiz daýys be­retin №575 referendým ýchas­kesine at basyn tiredik. Saǵat 09.30-da daýys berýge kelgender sany tym az kórindi. Ýchaskelik referendým komıssııasynyń tóraǵasy Svetlana Sherbako­va da halyqtyń belsendiligi ázirge tó­mendeý ekenin aıtty. Biz bolǵan jarty saǵattaı ýaqyt­ta 7-8 adam ǵana kelip, daýys berdi.

Al qalanyń Internasıonal kóshesinde ornalasqan Smaǵul Sádýaqasov atyndaǵy orta mektep­tegi №578 referendým ýchaskesinde halyqtyń jıi kelip jatqany baıqaldy. Komıssııa tóraǵasy Láz­zat Qurmanǵalıevanyń aıtýy­na qaraǵanda, kúndizgi saǵat 11.00 kezinde 150-deı adam daýys ber­genin aıtty. Bul ýchaskege barlyǵy 1 594 saılaý quqy bar azamat tirkelgen eken. Ázirge sonyń 10 paıyz­daıy ǵana daýys bergen bolyp shyqty.

Kúndizgi saǵat 12.00-degi ORK málimetine qaraǵanda, Soltústik Qazaqstan oblysynda daýys bergender úlesi daýys berýshilerdiń 40 paıyzyndaı bolypty. Bul – res­pýblıka boıynsha orta deńgeıdi kórsetedi.

Jalpy, biz bolǵan 4-5 ýchaske­niń bárinde daýys berýge kelgenderge barlyq jaǵdaı jasal­ǵan. Qabyrǵalarǵa aqparattyq, anyq­tamalyq qaǵazdar ilingen. Sazdy áýen shalqyp, halyqtyń kóńil kúıin kóterip turdy.

Soltústik Qazaqstan oblysy