Sport • 09 Qazan, 2024

Jarystar kúndeligi

80 ret

kórsetildi

3 mın

oqý úshin

Majarstannyń Sombatheı qalasynda sporttyq gımnasshylardyń Álem kýboginiń kezeńdik saıysynda Qazaq eliniń ánurany eki márte shyrqaldy. Qoldy tirep jasalatyn jattyǵýda Darıa Iаsınskaıa altynnan alqa taqsa, erlerdiń básekesinde Asan Sálimov aldyna jan salmady.

Ǵalym SÚLEIMEN

9-14 qazan aralyǵynda jartasqa órmeleýden Qytaıdyń Taıan qalasynda Azııa chempıonatynyń jalaýy jelbireıdi. Bul jarysta Ámir Maımuratov, Beknur Altynbekov, Jandos Qalıbaı, Damır Toqtarov, Rıshat Haıbýllın, Jandos Qalıbaı, Tamara Uljabaeva, Ásel Marlenova, Azat Maıkótov, Margarıta Aǵambaeva, Darıa Kýzmenko, Elızaveta Lıtýs syndy otandyq sportshylar óner kórsetedi.

Beıjińde tennısten jasóspirimderdiń ITF J300 China Open týrnıri óz máresine jetti. О́z qatarlastary arasynda álemniń 15-raketkasy atanyp otyrǵan Ámir Omarhanov bul básekede bas júldeni oljalady. Fınalda ol brıtanııalyq Olıver Bondıngten basym tústi – 6:0, 6:4. Sóıtip, qandasymyz jekelegen saıystardaǵy altynshy tıtýlyna qol jetkizdi. Buǵan deıin Ámir Taıland (J300), Ońtústik Koreıa (J300), Mysyr (J100), Grýzııa (J60), Qaraǵandyda (J60) ótken týrnırlerde top jarǵan.

Elimizdiń tanymal kásipqoı boksshysy Angelına Lýkas (10-1, 5 KO) Bangkokta uıymdastyrylǵan týrnırde argentınalyq Deboroı Anaı Lopespen (21-2-1, 1 KO) judyryqtasty. Bul jekpe-jekte otandasymyz tóreshilerdiń sheshimimen jeńiske jetip, IBO nusqasynda ekinshi asa jeńil salmaqtyń chempıondyq belbeýin ıelendi.

Bul kúnderi Astanada ústel tennısinen Azııa chempıonaty ótip jatyr. 26 memleketten kelgen 210 úmitker baq synap jatqan dúbirli dodada Qazaq eli namysyn Kırıll Gerasımenko, Alan Qurmanǵalıev, Eskendir Harkı, Aıdos Kenjeǵulov, Sanjar Jubanov, Sarvınoz Mirqadyrova, Záýresh Aqasheva, Anastasııa Lavrova, Ánel Baqyt, Angelına Romanovskaıa qorǵaıdy. Jarys 13 qazanda aıaqtalady.

Kórý qabileti nashar shahmatshylar arasyndaǵy álem chempıonatyn bıylǵy jyly Úndistannyń Bangalor shahary qabyldady. Jastar arasyndaǵy jarysta Nurǵısa Qýanyshuly 9 kezdesýden keıin 6 upaı jıyp, qola medaldy ıelendi.

11 qazanda Ábý-Dabıde shymyldyǵy túriletin Grand Slam týrnırinde elimizdiń 13 dzıýdoshysy tatamıge shyǵady. Olar – Ábıba Ábýjaqynova (48 kg), Esmıgúl Kýıýlova (63 kg), Nazgúl Maratova (+78 kg), Karına Tákıeva (+78 kg), Maǵjan Shamshadın (60 kg), Dáýren Súıekenov (60 kg), Ádilbek Berikuly (66 kg), Darhan Qoıbaǵar (73 kg), Ermek Amangeldi (73 kg), Jalǵac Qaırolla (81 kg), Rýslan Musaev (81 kg), Ádilet Saparǵalıev (100 kg), Mádı Edilbaev (+100 kg).