Foto: Ashyq derekkóz
Eske sala keteıik, 2024 jyly 5 shildede Memleket basshysy táýelsiz kassasııalyq sottardy qurýdy kózdeıtin Konstıtýsııalyq zańǵa qol qoıǵan edi. Al búgin qabyldanǵan zań kassasııalyq sot isin júrgizý tártibin jetildirýge baǵyttalǵan.
Sonymen qatar qylmystyq-prosestik kodekske, Azamattyq prosestik kodekske, Ákimshilik rásimdik-prosestik kodekske jáne basqa da zańdarǵa túzetýler engizilgen.
«Zańda azamattyq jáne qylmystyq isterdi kassasııalyq satyda aldyn ala qaraýdy alyp tastaý usynylǵan. Endi azamattar sot aktilerin qaıta qaraý týraly aryz emes, kassasııalyq shaǵym túsiretin bolady. Sot isin júrgizýdiń barlyq túrine kassasııalyq qadaǵalaýdyń biryńǵaı erejeleri engiziledi. Endi ákimshilik ister boıynsha sot aktileri apellıasııalyq shaǵym jasalǵannan keıin zańdy kúshine enedi», delingen habarlamada.
Aıta keterligi, 2025 jyldyń 1 shildesinen bastap táýelsiz kassasııalyq sottardyń qurylýyna baılanysty Joǵarǵy Sottyń róli ózgeredi. Ol sot praktıkasynyń birkelkiligin qamtamasyz etýge baǵdarlanady. Al sot tóreligin tek jergilikti jáne kassasııalyq sottar júzege asyrady.
