Foto: Ashyq derekkóz
Májiliste Qazaqstan men Qatar úkimetteri arasyndaǵy áskerı yntymaqtastyq týraly kelisimdi ratıfıkasııalaý týraly zań jobasy qaraldy. Qujatty talqylaý barysynda depýtattar dástúrli túrde úkimet múshelerine saýaldar joldaǵan. Bul zań jobasy boıynsha Qorǵanys jáne Syrtqy ister mınıstrleriniń orynbasarlary sóz sóılegen.
Depýtat Baqytjan Bazarbek Qorǵanys mınıstriniń orynbasary Darhan Ahdıevke «Qazaqstan men Qatar bir-biriniń áskerı polıgondaryn paıdalanatyny ras pa?» degen suraq qoıǵan.
«Olardyń polıgonyn paıdalaný bizdiń maqsatymyzda joq, kerisinshe, Qatar áskerıleri bizdiń polıgondy paıdalana alady», dep jaýap berdi Darhan Ahdıev.
Májilismen sheneýniktiń kelisimniń mazmunymen jetkilikti túrde tanys emestigin alǵa tartqan.
«Men sizge suraq qoıdym. Birinshiden, siz bulaı emes dep aıttyńyz, biraq besinshi maqalada «biz óz polıgonymyzdy Qatarǵa beremiz jáne olar bizge óz polıgondaryn beredi» dep jazylǵan. Maqalany oqyp, tanysyńyz», dedi Baqytjan Bazarbek.
Osydan keıin Májilis tóraǵasy Úkimet músheleri plenarlyq otyrystarǵa tyńǵylyqty daıyndalýy kerek ekeninin qadap aıtty.
