Birlesken zertteýlerdi qarjylandyrý júıelenedi

Mundaı oıǵa ıakı bol­jamǵa kelýimizge Ǵy­­lym jáne joǵa­ry bilim mınıstri Saıasat Nur­bek­tiń Italııa Respýblıkasy Ýnı­versıtetter jáne zertteý­ler mınıstri Anna Marııa Bernı­nımen kezdesýi sebep bolǵan-dy. Mınıstrliktiń taratqan aq­paratyna súıensek, kezdesýde eki eldiń joǵary bilim men ǵylymı zertteýler salasyndaǵy yntymaqtastyqtyń basty baǵyt­tary talqylandy. Taraptar stý­dentter men oqytýshylar al­­ma­sý baǵdarlamalaryn, son­daı-aq birlesken zertteý joba­laryn iske asyrý keleshegin talqylady. Eki­jaqty yntymaqtastyqtyń mańyz­dylyǵy da sóz boldy. Sonymen qatar ortaq zert­teýlerdi ózara qyzyǵýshylyq týdyratyn salalarda birlesip qarjylandyrýǵa kelisti.

О́tken jyly Rımde qol qo­ıyl­­ǵan ózara túsinistik týra­ly memorandýmdy damytý maq­sa­tyn­da basym baǵyttardy anyq­taıtyn, jańa usynystar ázir­leı­tin birlesken basqarý ko­mıteti qu­rylatyn boldy. Sondaı-aq ýnı­versıtetter arasyndaǵy keli­sim otandyq jáne ıtalııalyq stý­dent­terge arnalǵan qos dıp­lom baǵ­darlamasyn iske asyrýdy qa­rastyrady. Júzdesýdegi negizgi ná­­tıjelerdiń biri I.Jan­súgirov atyn­­daǵy Jetisý ýnıver­sıtetiniń ba­za­synda Marke polı­tehnıka­lyq ýnı­versıtetiniń fılıalyn ashý tý­raly kelisimge qol qoıý boldy.

Mınıstr Saıasat Nurbek Qazaq­stan men Italııanyń bilim berý uıymdary arasyndaǵy yntymaqtastyqtyń mańyzyn atap, Jetisý ýnıversıtetiniń ǵylymı zertteý qyzmetin damy­týdaǵy úlesine toqtaldy. «Jetisý ýnıversıteti zertteý qyzmetin belsendi damytyp jatyr. Oqý ornynyń Marke polıtehnıka­lyq ýnıversıteti sekildi jetek­shi sheteldik ýnıversıtetter­men tyǵyz baılanys ornatýy óńirdi bilikti tehnıkalyq mamandarmen qamtamasyz etýdiń negizgi faktoryna aınalady. Prezı­dent Qasym-Jomart Toqaev eli­miz­degi mamandar tap­shy­lyǵy máselesin birneshe ret atap ótti. Halyqaralyq serik­tester­men yntymaqtastyq táji­rıbe almasýǵa, oqytýshylar qura­mynyń biliktiligin arttyrý­ǵa, bilim sapasyn jaqsartýǵa múm­kin­dik beredi», dedi Saıasat Nurbek.

Osy rette Italııa Respýb­lıkasynyń Ýnıversıtetter jáne zertteýler mınıstri Anna Marııa Bernını: «Ortalyq Azııa – turaqty jáne qaýipsiz aımaq ári mańyzdy geosaıası ortalyq. Bul óńir joǵary bilim salasynda ǵana emes, ekonomıkalyq, kommersııalyq turǵydan da úlken múmkindik usynady, son­dyqtan Italııa úshin strate­gııalyq mańyzǵa ıe», dedi. Onyń oıynsha, elimizdiń ada­mı kapıtaldy damytýdaǵy saıa­saty, ýnıversıtetaralyq yn­ty­maqtastyqtaǵy belsendiligi – aıryqsha. Italııa ýnıver­sıtetteri jyl saıyn Qa­zaq­stannan júzdegen stýdentti qa­byldaıdy, al birlesken qar­jylandyrýmen iske asyrylatyn ǵylymı jobalar ekijaq­ty dıalogtiń mańyzdy elementi bolmaq.

Kezdesý sońynda Saıasat ­Nur­bek pen Anna Marııa Ber­nı­nı yntymaqtastyqtyń ta­bys­ty damıtynyna senim bildi­rip, jo­ǵary bilim salasynda­ǵy ıntegrasııa jáne tájirıbe almasý joldaryn jalǵastyrýǵa kelisti.