Foto: complimed.com.
Dúnıejúzilik densaýlyq saqtaý uıymynyń dereginshe, aldaǵy epıdemııalyq maýsymda tumaýdyń 3 shtamy qaýipti bolmaq. Memlekettik bıýdjet qarajatyna vırýsqa tosqaýyl bolatyn 2 mıllıon 207 myń doza reseılik vaksına satyp alynǵan. Bul respýblıka halqynyń 11%-n qamtýǵa múmkindik beredi.
«Búginde tumaýǵa qarsy 769 myń adam egildi. Onyń ishinde 184 500 balaǵa salyndy. Vaksınasııa jalǵasyp jatyr. Memlekettik bıýdjet qarajaty esebinen halyqtyń neǵurlym osal toptary, medısına qyzmetkerleri, medısınalyq uıymdarda dıspanserlik esepte turǵan balalar, jetim jáne ata-anasynyń qamqorlyǵynsyz balalarǵa arnalǵan bilim berý uıymdarynyń, balalar úıleriniń tárbıelenýshileri epıdemıologııalyq kórsetkishter boıynsha vaksına alyp jatyr», dedi QR DSM Sanıtarııalyq-epıdemıologııalyq baqylaý komıtetiniń basshysy Sarhat Beısenova.
