Sýretti Katonqaraǵaı memlekettik tabıǵı ulttyq parki qyzmetkerleri usyndy
Esimizde, Altaı silemderinde barys eń alǵash 2014 jyly sýretke túsirilip, eldi eleń etkizgen-di. Sodan keıin de Arshaty ormanshylyǵynyń qyzmetkerleri taýteke tebindegen shapshyma tikterge fototuzaq quryp, baryspen qatar, ártúrli ań-qustardyń beınelerin ámbege usynǵan. Odan keıin de Katonqaraǵaı aýlynyń tusyndaǵy Sarymsaqty jotasynan qar barysy qylań bergen. Keshegi ilbip basqan ilbister de Zoologııa ınstıtýtynyń qyzmetkerleri men Arshaty ormanshylyǵynyń ınspektorlary qurǵan fototuzaqqa túsken. Úsh barys túngi ýaqytta kameranyń dál aldynan ótken. Júristeri óte saq.
– О́zimiz de tańǵaldyq. Barys eki kúshigimen túsip qalypty. Mundaı jaǵdaı birinshi ret bolyp tur. Demek olar osy jaqty turaqty mekendeıdi degen sóz. Buǵan deıin bizdiń aýmaqqa kirip-shyǵyp júredi deıtinbiz. Fototuzaqqa kúshikterimen túsýi – qazir osy jaqty turaqty mekendep jatqanynyń dáleli, – deıdi Katonqaraǵaı memlekettik tabıǵı ulttyq park dırektorynyń orynbasary Arnas Aýǵonbaev.
Ulttyq park mamandarynyń boljaýynsha, qazirgi ýaqytta bul aýmaq – 13 barystyń mekeni. Olardy qorǵaý, baqylaý jumysy kún tártibinen túspek emes. Jalpy, park aýmaǵynda ań-qustyń qaı túri bolsyn kóbeıip keledi.
Shyǵys Qazaqstan oblysy,
Katonqaraǵaı aýdany
