Foto: Oqý-aǵartý mınıstrligi
Bıyl mektep jasyna deıingi balanyń jeke damý kartasy avtomattandyryldy. Mektep jasyna deıingi balanyń jeke damý kartasy ár balanyń qajettilikterin tereńirek túsinýge jáne mektepte oqýdy sátti bastaý úshin daıyndaýǵa múmkindik beredi.
«Kartada damýdyń barlyq mańyzdy aspektileri kórsetilgen. Onyń ishinde tıptik oqý baǵdarlamasyn ıgerý barysynda qalyptasatyn fızıkalyq jaǵdaı, kommýnıkatıvti, tanymdyq, ıntellektýaldy, shyǵarmashylyq, zertteý jáne áleýmettik-emosıonaldy daǵdylar bar. Mundaı júıeli tásil sapaly bilim berýdi qamtamasyz etedi jáne balalardyń bastaýysh mektepte tabysty beıimdelýine yqpal etedi», dedi QR Oqý-aǵartý mınıstrliginiń Mektepke deıingi bilim departamentiniń dırektory Manar Adamova.
Karta sıfrlyq formatqa aýystyrylyp, ulttyq bilim berý derekqorymen ıntegrasııalanǵan. Bul aqparatty mektepterge joldap, mektepke deıingi bilim berý men bastaýysh bilim berý arasyndaǵy sabaqtastyqty qamtamasyz etedi.
