Foto: gov.kz
Oblystyń Aýyl sharýashylyǵy basqarmasynyń basshysy Saıat Mýsın jergilikti sharýa qojalyqtarynyń jetistikteri týraly О́ńirlik kommýnıkasııalar qyzmeti alańyndaǵy brıfıngte aıtty.
«9 aıdyń qorytyndysy boıynsha aýyl sharýashylyǵynyń jalpy óniminiń óndirisi ulǵaıdy. Naqty kólem ındeksi 116,7 % qurady. Astyq ónimi boıynsha eń joǵary kórsetkishke Abaı, Buqar Jyraý, Nura, Osakarov aýdandarynyń sharýashylyqtary qol jetkizdi», dedi S.Mýsın.
Brıfıngte aýyl sharýashylyǵy basshylary óz jetistikteri týraly aıtyp berdi.
«Sharýashylyǵymyz qurylǵaly alǵash ret biz 65 myń tonnadan astam dándi daqyldar, myń tonna maıly daqyldar, 27 myń tonna kartop jınadyq. Eger sharýashylyǵymyz tyńaıǵan jerlerdi ıgergen kezden bastap dándi daqyldarmen aınalysyp kele jatqan bolsa, kartop ósirýdi tek 9-shy jyl ıgerip kelemiz. Bul bizdiń barlyq bilimderi men daǵdylaryn osy nátıjelerge qol jetkizýge jumsaǵan fermerlerimizdiń úlken eńbegi. Respýblıka kóleminde óte jaqsy ónim aldyq, úshinshi klass astyǵymyz 40%-dan asady», deıdi Nura aýdanynyń «Shahterskoe» JShS dırektory Georgıı Prokop.
Jergilikti fermerlerdiń aıtýynsha, jyl erekshe boldy. Jaýyn-shashyn men dándi daqyldardyń aýrýlary egin ósirýge kedergi keltirgenine qaramastan, aýyl turǵyndarynyń eńbegi men memlekettiń kómegi jaqsy nátıjege ákeldi.
