Alǵashynda jergilikti jurttyń kúzgi merekesi retinde bastalǵan festıval qazir halyqaralyq deńgeıge ulasty. Bir qyzyǵy, asqabaqtyń salmaǵy qanshalyqty aýyr bolsa, jeńimpazdyń júldesi de sonshalyqty qomaqty bolmaq. Bıylǵy bas báıgeniń ıegeri – Mınnesota shtatynan kelgen Trevıs Gınger. Onyń kókónisi 1 121 kg bolǵan.
Drondar sherýi
Qytaıda «Aspan qalasy» atty drondar shoýy Gınness rekordtar kitabyna endi. Sebebi bul kezde 7 600 ushý apparaty bir ýaqytta kókke kóterilgen.
Bul – rasynda bas shaıqap, tańdaı qaǵarlyq ǵalamat óner. Qurylǵylar túngi aspanda Uly Qytaı qorǵany, aıdahar, jolbarys sekildi túrli pishinderdi beınelegen. Rekord ornatý úshin drondar olardy kemi 20 sekýnd ustap turý kerek bolǵan. Biraq jolbarystyń aspandaǵy beınesi 37 sekýndqa deıin myzǵymaı turdy. Eń qyzyǵy, shoý kezinde myńdaǵan apparattyń barlyǵy bir ǵana noýtbýkten basqarylǵan.
Eń kári laýreat
Djon Gýdenaf 2019 jyly hımııa salasyndaǵy Nobel syılyǵyn alǵan kezde 97 jasta bolǵan.
Ǵalymǵa bul marapat lıtıı-ıondy batareıalardy oılap tapqany úshin berildi. Onyń eńbegi qazirgi zamanaýı tehnologııalardyń negizin qalady. О́ıtkeni smartfondardan bastap elektromobılderge deıin kóptegen qurylǵy osy batareıalarǵa táýeldi. Osylaısha, Djon Gýdenaf júz jasqa taıaǵan shaǵynda dúnıeni dúr silkindirgen jańalyq ashyp, ǵylym jolynda tabandy jannyń ǵana jeńiske jetetinin dáleldedi.
