Shartqa sáıkes oǵan eń tómengi jalaqy jáne ónim satylymynan 6% kóleminde yntalandyrý tólemderi belgilengen.
Eki jyldan keıin jumys berýshi birjaqty tártipte syıaqy mólsherin 6%-dan 3%-ǵa deıin tómendetip, qyzmet kórsetý obektileriniń sanyn 45-ten 130-ǵa deıin arttyrǵan.
Ol kelisim komıssııasyna úsh ret júginip, Jaýapkershiligi shekteýli seriktestiktiń (JShS) áreketine shaǵymdanýǵa tyrysqanymen, esh nátıje bolmaǵan.
Osyǵan baılanysty ol sotqa JShS-dan jalaqynyń tólenbegen bóligin, jol aqysy úshin 2,7 mln.-nan astam teńge jáne moraldyq zııandy óteý týraly talap qoıýmen júgingen.
Sol kezde ol tórt aılyq júktilik kezeńinde bolǵanyn jáne psıhologııalyq qysym kórgenin atap kórsetken.
Birinshi satydaǵy sot talap qoıýdy qanaǵattandyrýdan bas tartyp, jumys berýshiniń syıaqy berý quqyǵyna silteme jasaǵan jáne aı saıynǵy 6% bonýs pen jol shyǵynyn óteý boıynsha dálelder jetkiliksiz degen qorytyndyǵa kelgen.
Apellıasııa birinshi satydaǵy sottyń qorytyndysymen kelesi negizder boıynsha kelispedi:
- kýániń bonýs baǵdarlamasynyń bar ekenin rastaǵan aıǵaqtary nazarǵa alynbaǵan;
- kelisim komıssııasynyń otyrysynda jazylǵan aýdıojazbany dálel retinde esepke almaý zańsyz dep tanyldy.
Aýdıojazbada anyqtalǵandaı, kelisim komıssııasynyń otyrysynda jumys berýshiniń ókili 6% bonýstyń bar ekenin rastaıdy.
Sotqa jumysshylardyń jaǵdaıyn nasharlatatyn 3 túrli qyzmettik nusqaýlyq usynyldy, onda bonýs mólsheriniń 3%-ǵa deıin tómendegeni jáne jol, janarmaı, uıaly baılanys tólemderiniń qysqarǵany kórsetilgen.
Osyny eskere otyryp, oblystyq sot birinshi satydaǵy sottyń sheshimin joıyp, talap qoıýdy qanaǵattandyrdy.
Qaýly zańdy kúshine endi.
