Foto: baq.kz
Kólik mınıstrliginiń málimetinshe, «Túrksib Astana» JShS jeke tasymaldaýshysynyń parki 2024 jyly shyǵarylǵan kýpe jáne plaskart úlgisindegi 10 jańa jolaýshylar vagonymen tolyqty. Sonymen qatar onyń ishinde múmkindigi shekteýli jandarǵa arnalǵan arnaıy shtabtyq vagon bar.
Aıta keteıik, barlyq vagon «Zıksto» AQ otandyq óndirýshisinen satyp alynǵan. Vagondar aýa baptaǵysh júıelerimen jáne bıoájethanalarmen jabdyqtalǵan.
«Joǵaryda atalǵan jańa jolaýshylar vagondary bıylǵy qarasha aıynan bastap №43/44 «Qostanaı-Almaty» baǵyty boıynsha qatynaıdy. Aıta ketý kerek, bul baǵytta qatynaıtyn vagandor ábden eskirgen jáne jolaýshylar tarapynan únemi shaǵymdar bolatyn», dep habarlady mınıstrliktiń baspasóz qyzmeti.
Eske sala keteıik, bıyl 122 birlik jańa vagon ákelingen, jyl sońyna deıin taǵy 18 birlik jetkiziledi dep josparlanǵan.
