Quqyq qorǵaý organdarynyń málimetinshe, pavlodarlyq turǵyn satyp alýshylarǵa aldyn ala tólem aýdartyp otyrǵan.
«Pavlodar turǵyny joq jıhazdy satý boıynsha «bıznes» uıymdastyrdy. 30 jastaǵy qyz saıtta arzan turmystyq zattardy satý týraly habarlandyrýlar ornalastyrdy. Ol nıet bildirýshilerge mobıldi bankıng arqyly 5-ten 30 myń teńgege deıingi shaǵyn aldyn ala tólemdi aýdarýdy usyndy. Búginde polısııaǵa onǵa jýyq aldanǵan azamat júginip, kúdiktige qatysty qylmystyq is qozǵaldy», delingen habarlamada.
Polıseıler azamattardan qyraǵy bolýdy, saq bolýdy, ózderiniń jeke jáne banktik derekterin, sondaı-aq SMS-habarlamalardyń mazmunyn bermeýdi suraıdy.
«Kúmándi satýshylardan taýarlar men qyzmetterdi satyp almańyz, áleýmettik medıa men messendjerlerde eki faktorly aýtentıfıkasııany qoldanyńyz. Esińizde bolsyn, sizdiń jeke jınaqtaryńyz ben jeke derekterińizdiń qaýipsizdigi sizdiń qolyńyzda», dedi polısııa qyzmetkerleri.
