Foto: Astana ákimdigi
«Bul sporttyq is-shara, eń aldymen, halyq arasynda salaýatty ómir saltyn qalyptastyrýǵa, sondaı-aq nashaqorlyqqa qarsy kúreske baǵyttalǵan», dedi Saryarqa aýdany ákimdiginiń qyzmetkeri Damır Hısmatýllın.
Marafon “Kóktal” saıabaǵynan bastalyp, Beıbarys Sultan kóshesimen ótti. Keıbir qatysýshylar Marvel komıks keıipkerleri О́rmekshi adam jáne Betmenniń jarqyn kostıýmderin kıip keldi.
Qatysýshylar birneshe sanatta baq synasty: balalar (14 jasqa deıingi uldar men qyzdar), eresekter (18-49 jas aralyǵyndaǵy erler men áıelder) jáne 50 jastan asqan qatysýshylar.
14 jasqa deıingi uldar úshin qashyqtyq 2 km, al 14 jasqa deıingi qyzdar úshin — 1 km, qalǵan sanattaǵy qatysýshylar birdeı qashyqtyqty — 5 km júgirdi.
«Men osyndaı jarystarǵa jıi qatysyp turamyn, óıtkeni árqashan fızıkalyq jaǵdaıymdy baǵalaý mańyzdy jáne árbir osyndaı is-sharamen meniń nátıjem jaqsarady. Marafon óte jaqsy ótti, qatysqanyma qýanyshtymyn» , dedi marafonǵa qatysýshy Danııar Ahtanov.
Sońynda balalar men eresekter arasyndaǵy marafonǵa qatysýshylardy marapattaý rásimi ótti. Jarystyń jeńimpazdary maqtaý qaǵazdary men medaldarǵa, sondaı-aq baǵaly syılyqtarǵa ıe boldy.
