Maman daıarlaý máselesin talqylady

Halyqaralyq konferensııada eli­miz­degi medısına kol­ledjderiniń oqytýshylary men Latvııa, Túrkııa, Qyr­ǵyzstan, О́zbekstan elderinen kelgen mamandar baıandama jasap, ózekti máseleler tóńireginde pikir alysyp, tájirıbe almasty.

Aımaq medısınasynda da aıta keter jańalyqtar az emes. Osy jyly ǵasyr­ǵa jýyq tarıhy bar Qyzyl­orda medısınalyq joǵa­ry kolledjinde oqý-zert­hanalyq, sımýlıasııalyq kabınetter jańǵyrtylyp, emdik shópter ósiriletin jylyjaı ashyldy. Halyq­aralyq is-shara qonaqtaryna oblys­tyq Densaýlyq saqtaý basqar­masynyń basshysy Oljas Ysqaqov  30 000-nan astam orta býyn medısına mamandaryn daıarlaǵan kolledjdegi vırtýaldy oqý ka­bıneti men stýdentter­ge tájirıbelik sabaq ótkizý maq­satynda ashylǵan jylyjaı jumysyn tanystyrdy. Jylyjaıǵa Ile Alataý bók­terine jersindirilgen shetel jáne Qazaqstan florasy ósimdikteriniń 60-tan astam úlgisi ákelinse, 43 túri tuqymnan sebilgen.

Densaýlyq saqtaý salasyna, onyń ishinde kadr daıarlaý men biliktilik jetil­dirý baǵytyndaǵy jumysqa jergi­likti bıýdjetten bó­line­tin qarjy jyl saıyn artyp keledi. Atap aıtsaq, soń­ǵy 3 jylda medısına ma­mandarynyń bilimin jetil­dirýge oblystyq bıýdjetten 532 mln teńgeden astam qarjy bólinip, 1 543 qyzmetker bilim deńgeıin kótergen. Odan bólek, oblys ákiminiń grantymen rezındentýrada 167 maman bilim alyp jatyr.

Bul jumystar aldaǵy ýa­qytta da jalǵasyn tabady.

Qyzylorda