Foto: Gúlshat Qaraqulova. «Jolaýshylar tasymaly» AQ
«Jolaýshylar tasymaly» AQ kompanııasynyń habarlaýynsha, kelinshek joldasymen birge júktiliktiń toǵyzynshy aıynda Astanaǵa jolǵa shyqqan.
21 qazannan 22-sine qaraǵan túni júkti jolaýshynyń tolǵaǵy bastalǵan.
«Túngi 23:30 shamasynda kelinshektiń kúıeýi jolserikterden kómek suraǵan. Poıyz bastyǵy Gúlshat Qaraqulova men jolserik Anara Adambaeva qajet kómekti kórsetip, júkti kelinshek aman-esen bosanǵan. 23:55-te deni saý qyz dúnıege kelgen», delingen kompanııa habarlamasynda.
Nusqama boıynsha jolserik jaqyn mańdaǵy Sary-Shaǵan stansııasyna jedel járdem shaqyrtqan. Poıyz mejeli jerge jetkende jas bosanǵan ana sábıi, joldasymen birge medısınalyq ortalyqqa jetkizilgen.
«Jolaýshylar tasymaly» AQ kompanııasy poıyz jolserikteri ádetten tys jaǵdaılarda alǵashqy medısınalyq kómek kórsete bilý úshin jıi oqý-jattyǵýdan ótetinin aıtty.
