Áleýmettik jelide taraǵan aqparatqa súıensek, Túrkistan qalasynyń turǵyny 19 jerinen pyshaq jaraqatyn alyp, aýrýhanaǵa túsken.
Atalǵan jaǵdaı boıynsha Túrkistan oblysy Polısııa departamenti túsinikteme berip, kúdiktiniń jeke basy anyqtalyp, ony ustaý sharalary qabyldanǵanyn jetkizdi.
«Polısııa turmystyq janjal negizinde bolǵan «kisi óltirýge oqtalý» faktisi boıynsha qylmystyq is qozǵady. Burynǵy jubaıyndaǵy balalardy kórý úshin kelgen jábirlenýshi buryn birneshe ret sotty bolǵan Shymkent qalasynyń turǵyny ekeni anyqtaldy. Osy kezde kúdikti men áıeliniń týysy arasynda janjal bolyp, er adam pyshaq jaraqatyn alǵan. Qazirgi ýaqytta qajetti jedel-izdestirý jáne tergeý áreketteri júrgizilip jatyr. Oqıǵanyń mán-jaıy anyqtalyp jatyr. Tergeý múddesindegi ózge de aqparattar jarııa etýge jatpaıdy», delingen habarlamada.
