Eki tıtýl – qolda, ekeýi – jolda

2019 jyly Jánibek tórt kezdesý ótkizdi. Stıven Martınes (AQSh), Krıstıan Olıvas (Mek­sıka), Stıýart Maklellan, Al­bert Onolýnosemen (Kana­da) judyryqtasty. Bul básekelerdiń barlyǵyn merziminen buryn aıaqtady. Alǵashqy ekeýin utqan soń qandasymyz 25 myń AQSh dollary kóleminde paıdaǵa kenelse, sońǵy eki jekpe-jekte bul soma eki esege kóbeıdi. Kelesi jyly Rob Korrıany (Argentına) ekinshi raýndta qapy qaldyryp, 50 myń dollar aldy. Biraq qarjynyń bári Álim­hanulynyń qaltasyna túsedi degen sóz emes bul. Onyń salyǵy bar, bapkerler men menedjerlerdiń eńbek­aqysyn tóleý kerek, basqa da maıda-shúıde shyǵyndar je­terlik. Sonda boksshy ózi azyn-aýlaq qarjyny qanaǵat tutady.

2021 jyly «Qazaq stıli» Rob Brand (AQSh) pen Hassan N’Dam N’Jıkamdy (Kamerýn) oısyrata utyp, ár jeńisine 75 myń dollardan aldy. 2020 jyldyń kókteminde Dennı Dıgnýmdy ekinshi raýndta esinen tandyryp, WBO-nyń ýaqytsha chempıony atanyp,200 myń dollardy enshilese, kúzde Denzel Bentlıdi (Anglııa) upaı sanymen utyp, óziniń chempıondyq tájin sátti qorǵady. Sol kezde Álimhanulyna 350 myń dollar kó­leminde gonarar berildi. Byl­tyr 13 mamyrda Stıven Bat­ler­den (Kanada) basym tússe, 14 qazanda Vınchenso Gýal­te­rıdi (Germanııa) sabap, IBF nusqasynyń altyn belbeýin beline taqty. Qazaq boksshysyna osy eki jekpe-jektiń árqaısysy 400 myń dollardan tabys ákeldi.

О́ziniń sońǵy kezdesýin Jánibek 4 qazanda Aýstralııanyń Sıdneıinde ótkizip, jergilikti jampoz Andreı Mıhaılovıchti toǵyzynshy raýndta esinen tandyrdy. Osy jarqyn jeńisten soń onyń esepshotyna 500 myń dollar aýdaryldy. Árıne, jarty mıllıon dollar az aq­sha emes. Odan bólek, translıasııalar satylymy, jarnamalar, taǵy basqa tabys kózderi bar. Amerıkalyq basylymdar sonyń barlyǵyn esepke ala otyryp, Álimhanulynyń sońǵy bes jylda 4,5 mıllıon dollar kóleminde oljaǵa keneldi dep jobalap otyr.

Iá, árkim eńbegine saı tabys tabady. Ba­synda gonorar az bolady, sodan keıin ósedi. Bári de qalaı óner kórsetkenińe baılanysty. Bul da sporttyń zańdylyǵy. Aldaǵy ýaqytta Já­nibek kásipqoı bokstyń serkelerin birinen keıin birin sabasa, onda úlde men búldege oranatyny anyq. Sol kezde Alashtyń maqtan tutar azamaty óziniń esepshotyna túsken aq­shany myńdap emes, mıllıondap sanaıtyn bolady. Ol kún de alys emes.

Jýyrda ǵana jasyl qurlyq­ta ótken ja­rys­ta Andreı Mı­haılovıchti aıyzy qan­ǵan­sha sabap, aqyrynda sulatyp salǵan J.Álim­hanuly endi barlyq beldi nusqalar­dyń chempıondyq ataǵyn ıelengenshe damyl tap­paıtynyn ashyq aıtty. Ol Instagramdaǵy paraqshasynda mynadaı jazba qaldyrdy: «Kez kelgen jerde, kez kelgen boksshymen judyryqtasýǵa árqashan daıyn bolǵanbyz, qazir de daıynbyz. Buıyrsa,«Qazaq stılin» tarıhqa qashap jazamyz. Bizge chempıondar kerek. Tórt tıtýl kerek. Chempıondar qashsa, qo­ryqsa, olar chempıondar emes. Al tek aqshaǵa bokstassa, ol sportshy emes, bıznesmen. Men áli de kelesi jekpe-jegim Adames ne Laramen bolady dep úmittenemin. Komandam qa­zir úlken kelissóz júrgizip jatyr. Eger chempıondar kelispese, eki tıtýldy qaıta qorǵaımyz. Buıyrsa, kelesi jekpe-jegim aqpan aıynda ótedi dep josparlanýda. Ol chempıondyq jekpe-jek bolady nemese WBO mindettegen qarsylaspen judyryqtasamyn. Maǵan senim artyp, jankúıer bolyp júrgen barsha aǵaıynǵa kóp rahmet. Eki tıtýl – qolda, ekeýi – jolda. Erte me, kesh pe, tórt tıtýldy da elge alyp kelemin».