Aldymen Aqtaý qalasyndaǵy Dostyq úıi ǵımaratynyń foıesinde birtýar ártis Almas Bekbosynovtyń týǵanyna 100 jyl tolýyna arnalǵan halyqaralyq bı festıvali aıasynda ártistiń ómiri men qyzmetin baıandaıtyn arnaıy jasaqtalǵan kóshpeli kórmeniń ashylýy boldy. Bı áleminen syr shertken kórmeniń lentasyn qııý mártebesi Qazaqstannyń halyq ártisi Gúljan Talpaqovaǵa jáne Almas Bekbosynovtyń týysy Sara Bekbosynovaǵa berilip, kórmeni tanystyrý Mádenıet salasynyń úzdigi Serik Sarıevke usynyldy.
Qazaqtyń óner kókjıegindegi jaryq juldyzy, tuńǵysh qazaqtyń ulttyq-sahnalyq bıimen birge klassıkalyq janrdy nasıhattaýshy, bıshi, baletmeıster, rejısser Almas Bekbosynovtyń shyǵarmashylyǵyna arnalǵan shara ónerpazdyń ómiri men shyǵarmashylyǵyna arnalǵan derekti fılm kórsetilimimen jalǵasty.
Ulttyq bı óneriniń damýyna baılanysty azamattardyń qatysýymen uıymdastyrylǵan dóńgelek ústelge sarapshylar, qurmetti qonaqtar, qala, aýdandardaǵy horeograftar qatysty. Dóńgelek ústel jeke oryndaýshylyq janr jáne onyń aspektilerine arnaldy. Jeke oryndaý janry boıynsha sarapshylar men kelgen qonaqtar oılarymen bólisip, qorytyndysy boıynsha sheshim qabyldandy.
Bul is-sharalardan soń Qazaqstannyń eńbek sińirgen ártisi Almas Bekbosynovtyń týǵanyna 100 jyl tolýyna arnalǵan halyqaralyq bı festıvaliniń ashylý saltanaty ótti.
«Siz ben biz búgin erlerdiń arasynan shyqqan tuńǵysh kásibı balet bıshisi Almas Bekbosynov týraly tyń týyndyny tamashaladyq. Kenen Ázirbaevtaı tulǵany týdyrǵan topyraqtan jaralǵan Almas Bekbosynovtaı týma talanttyń ómir joly jáne shyǵarmashylyǵymen tanystyq. Qazaq klassıkalyq bı ónerin bıikke shyǵarǵan, nebári 50 jyl ómir súrip, akterlik sheberligimen elden erek bolǵan Almastaı tulǵanyń rýhyn qurmettep, bizdiń shaqyrýymyzdy qabyl alyp, is-sharanyń oıdaǵydaı ótýine qoldaý kórsetkenderińizge alǵys bildiremin» degen Mańǵystaý oblysy ákiminiń orynbasary T.Ábishev festıval jumysyna sáttilik tiledi.
Bı festıvali aıasynda qazylar alqasy músheleriniń festıval qatysýshylaryna, kásiptik oqý oryndarynyń stýdentteri men Mańǵystaý oblysy bı ansamblderiniń ártisterine sheberlik sabaǵyn ótkizdi. Festıval erejesi boıynsha qatysýshylar ekinshi kezeńde ózge ult bıin bılep synǵa túsken bolatyn.
Festıval qorytyndysy boıynsha qazylar alqasy úzdik dep tanyǵan qatysýshyǵa óz attarynan arnaıy júldeler belgilep, Qazaqstannyń halyq ártisi, qazaqtyń bı ónerin álemniń 52 memleketine tanytqan óner ıesi G.Talpaqova, QR bilim berý isiniń qurmetti qyzmetkeri, Mádenıet salasynyń úzdigi, «Eren eńbegi úshin» medaliniń ıegeri Ǵ.Beısenova, Qazaqstannyń eńbek sińirgen ártisi, ónertaný kandıdaty, professor, «Y.Altynsarın», «Halyq alǵysy» tósbelgileriniń, «Eren eńbegi úshin» medaliniń ıegeri T.Izim, Mádenıet qaıratkeri, pedagogıka ǵylymdarynyń doktory, professor A.Qulbekova, Qazaqstannyń eńbek sińirgen ártisi, «Eńbek dańqy» tósbelgisiniń ıegeri Ǵ.Ábdıeva, Memlekettik «NAZ» bı teatrynyń dırektory, Horeografııa óneri qaıratkerleri qoǵamynyń tóraǵasy, Mádenıet qaıratkeri E.Aǵymbaev, Mádenıet qaıratkeri, «Eren eńbegi úshin» medaliniń ıegeri T.Qylyshbaev, Qazaqstannyń eńbek sińirgen qaıratkeri, pedagogıka ǵylymdarynyń kandıdaty Z.Ájibekova, Qazaqstannyń eńbek sińirgen qaıratkeri, «Qurmet» ordeniniń ıegeri Á.Esekeev atynan syılyqtar tabystaldy.
TÚRKSOI halyqaralyq uıymynyń arnaıy júldesin TÚRKSOI halyqaralyq uıymynyń rejısseri A.Nurmuhameduly Atyraý oblysynan kelgen ónerpaz Qarakóz Murat, mańǵystaýlyq Esdáýlet Amangeldiuly, Aqmola oblysynan kelgen Kamıla Bekmuhanbetovaǵa tabystady.
«Jaqsynyń aty ólmeıdi» degendeı, ómirden ótse de ónerdegi izi ólmegen tulǵaǵa arnalǵan aýqymdy is-shara arqaý bolyp, talaı talantty jastyń mereıin tasytty. Bul, ıaǵnı Almas Bekbosynovtyń esimin jańǵyrtý – qazaqtan shyqqan bıshilerdiń taǵdyry men tálimin túgendep, tiriltip júrgen bıshi jigit Serik Sarıevtiń kezekti jobasy.
Mańǵystaý oblysy
