Saltanatty is-sharada sóz alyp, jańa páterlerdiń kiltin tabystaǵan qala ákimi Nurbol Nursaǵatov: «2022 jyldan beri Prezıdent Qasym-Jomart Toqaevtyń sheshimimen 25 qazan – Respýblıka kúni ulttyq mereke bolyp bekitildi. Osyndaı aıtýly is-shara aıasynda erekshe qajettilikteri bar azamattar, ata-ana qamqorlyǵynsyz qalǵan turǵyndardyń baspanaǵa qol jetkizýi – el ıgiligi jolynda qyzmet atqaryp jatqan barsha jannyń nátıjeli jumysy. Jańa páterlerdiń ıegerleri atanyp otyrǵan barshańyzdyń shańyraqtaryńyz berekege tolsyn», dep izgi tilegin arnady.
Semeı qalasynda keıingi jyldary qurylys qarqyny artyp keledi. Osyǵan deıin boı kótergen turǵyn úılerden 525 otbasy jańa páterdiń kiltin alǵan. Tamyz aıynda 237 páterdiń kiltteri kezek tártibimen tabystalsa, bıyl naýryz aıynda da Qaraǵaıly shaǵyn aýdanynda turǵyn úı kezeginde turǵan 77 azamat baspanamen qamtyldy. Al ótken jyly 211 otbasy páterge ıe boldy.
SEMEI
