Foto: Ashyq derekkóz
Tekserý komıssııalary Mańǵystaý jáne Túrkistan oblystarynda bıýdjettik kredıtter men halyqaralyq qarjy uıymdarynyń qaryz qarajatyn tıimsiz jáne maqsatsyz paıdalaný faktilerin anyqtaǵan.
«О́ńirlerde memlekettik boryshty jáne kvazımemlekettik sektordyń jekelegen sýbektileriniń boryshyn basqarý aýdıtteri Joǵary aýdıtorlyq palatanyń tapsyrmasy boıynsha júrgizildi. Qaryz qarajaty tartylǵan ınfraqurylymdyq obektilerdi, turǵyn úılerdi salý jáne jańǵyrtýda nátıjeniń bolmaýy faktileri anyqtaldy. Jekelegen jaǵdaılarda tartylǵan qaryzdar salym boıynsha paıyzdar túrinde qosymsha kiris alý úshin depozıtterge salynǵan, bul qarajatty maqsatqa saı paıdalanbaýǵa ákep soqty», delingen habarlamada.
Aýdıt nátıjeleri boıynsha osy óńirlerde qaryz qarajatyn paıdalaný tıimdiligine, sondaı-aq kredıttik mindettemelerdi ýaqytyly óteýge jetkilikti baqylaý jasalmaǵany atap ótildi.
«Aýdıtorlar Mańǵystaý oblysynda 5,5 mlrd teńgege qarjylyq buzýshylyqtar, 869 mln teńgege syrtqy qaryzdy tıimsiz josparlaý jáne paıdalaný, 6,7 mlrd teńgege bıýdjettik kredıtti tıimsiz paıdalaný faktilerin anyqtady. О́ńirde 2 laýazymdy tulǵa ákimshilik jaýapkershilikke tartylyp, olarǵa 3,3 mln teńge aıyppul salyndy. Túrkistan oblysynda aýdıt qorytyndysy boıynsha 10,5 mln teńgege qarjylyq buzýshylyqtar, 4,8 mlrd teńgege bıýdjet qarajaty men aktıvterdi tıimsiz paıdalaný anyqtaldy», delingen vedomstvo habarlamasynda.
