Foto: gov.kz
Aksıonerlik qoǵam basshysynyń boryshker retinde Qazaqstannan tysqary shyǵýyna da ýaqytsha shekteý qoıylǵan.
AQ jeke sot oryndaýshysynyń áreketin zańsyz dep taný, kólik quraldaryn ustaý jáne arnaıy turaqqa ornalastyrý, kásiporyn basshysynyń elden tysqary shyǵýyna ýaqytsha shekteý qoıý týraly qaýlynyń kúshin joıý jóninde talap qoıýmen sotqa júgingen.
Talap qoıýda jeke sot oryndaýshysy tarapynan onyń múlkine óndirip alýdy qoldaný kezinde óndiristik sıklge qatysty zańmen belgilengen basymdyq saqtalmaǵany, talap qoıýshyda taýardyń (kómirdiń) bolýy eskerilmegeni kórsetilgen.
Elden tysqary shyǵýǵa shekteýler kásiporynnyń qalypty jumys isteýine, basshy men klıentterdiń kezdesýine, kelissózder men sharttardyń jasalýyna kedergi keltiredi.
«Birinshi satydaǵy sot kólik quraldaryn qamaýǵa alý týraly qaýlynyń kúshin joıý týraly talapty qanaǵattandyryp, basshynyń elden tysqary shyǵýyna tyıym salý týraly talap qoıýdy qanaǵattandyrýdan bas tartqan. Apellıasııa isti qaraý barysynda taraptar men múddeli tulǵa tatýlastyrý múmkindigine ıe bolyp, taraptar jasasqan medıasııalyq kelisim kelesi sharttarmen bekitildi:
- jaýapker (JSO) shartqa qol qoıylǵan kúnnen bastap 3 jumys kúni ishinde kólik quralyn ustaý týraly uıǵarymnyń kúshin joıady;
- talap qoıýshy (AQ) 2024 jyldyń sońyna deıin 158 mıllıon teńgeden astam qaryzdy tóleýge mindettenedi», delingen habarlamada.
Sottyń uıǵarymy zańdy kúshine endi.
