Ratan Naval Tata 1937 jyly Mýmbaı qalasynda dúnıege kelgen. Ol talaı jyl «Tata Group» kompanııasyn basqardy. Kásipkerdiń jaqyn dosy Sýhel Settiń aıtýynsha, ol aspaz ben kútýshige árdaıym qurmetpen qarap, jıi qonaqqa shaqyratyn bolǵan. 2018 jyly naýqas ıtiniń qasynda qalyp, Býkıngem saraıyna barýdan bas tartypty. Bul áreket sol kezdegi hanzada Charlzǵa erekshe áser etip, kásipkerdi «Naǵyz adam» dep ataǵan edi.
Kúzetshi robot
Budan bylaı Qytaıdyń «Kýanjaı alleıasyn» robottar baqylaıdy.
Tórt aıaqty qultemir «lıngtong» dep atalady. Qazaqsha – «dana kóz». Atynan ańǵarǵanymyzdaı, bul robot qylt etkendi qalt jibermeıdi. Jylt etkendi jiti baqylaıdy. Negizgi mindeti – túngi qaýipsizdikti qadaǵalap, qoǵamdyq tártipti qamtamasyz etý ári órttiń aldyn alý. Chendý qalasy 2026 jylǵa qaraı kúndelikti ómirde qoldanýǵa bolatyn osyndaı robottyń kem degende 100 túrin shyǵarmaqshy.
Ushatyn kólik
Qytaıdyń ońtústigindegi Gýanchjoý qalasynda ushatyn avtokólik zaýyty salynyp jatyr.
Qanaty bar kólikter jeke qoldanystan bólek, qoǵamdyq qyzmet kórsetip, apatty jaǵdaıda qutqarý jáne týrızm kezinde ekskýrsııa jasaýǵa paıdalanýǵa bolatyndaı etip jasalmaqshy. Sonymen qatar iri megapolısterdegi kólik keptelisi men qalaaralyq qozǵalystaǵy máselelerdi sheshýge múmkindik beredi. Ushatyn kólikterge jyldyń aıaǵyna qaraı aldyn ala tapsyrys qabyldaý bastalady. Kompanııa jarııalaǵan málimetke sáıkes, bastapqy baǵasy 280 myń AQSh dollary dep baǵalanǵan.
