2024 jyldyń 31 jeltoqsanyna deıin jabaıy tuıaqty janýarlardy qabandar men elikterdi aýlaý jalǵasýda. Tuıaqty janýarlardy aýlaý tıisti ańshylyq sharýashylyǵy sýbektisiniń qoryqshysynyń qatysýymen júrgiziledi.
Ań aýlaý kezinde árbir ańshynyń ózimen birge ruqsat berý qujattary bolýy tıis: ańshy kýáligi, ań aýlaýǵa joldama nemese ańshylyq sharýashylyǵy uıymynyń janýarlar dúnıesin paıdalanýǵa ruqsat, atys qarýyn alyp júrýge jáne saqtaýǵa ruqsat, ań aýlaıtyn jyrtqysh qustarmen ań aýlaý kezinde – ań aýlaıtyn jyrtqysh qustyń pasporty.
Ańshylyqqa berilgen joldama nemese janýarlar dúnıesin paıdalanýǵa ruqsat qoldanylatyn ańshylyq sharýashylyǵy sýbektisiniń aýmaǵynda janýarlardyń basqa túrlerine ań aýlaý júrgizilgen jaǵdaıda qasqyrlardy, shıbórilerdi, qarǵalardy, saýysqandardy, úlken sýquzǵyndardy, taǵandardy, qańǵybas ıtterdi aýlaý (atý) janýarlar dúnıesin paıdalanýǵa ruqsatty talap etpeıdi.
Ań aýlaýǵa tyıym salynatyn aýmaqtaryna Baıanaýyl memlekettik ulttyq tabıǵı parkiniń «Qyzyl-Taý» memlekettik qaýmaly, «Ertis ormany» memlekettik orman tabıǵı rezervaty, «Ertis ózeniniń jaıylmasy» memlekettik keshendi qaýmaly, Pavlodar oblysynyń ańshylyq alqaptarynyń rezervtik qorynyń aýmaǵy, eldi mekenderdiń jerleri, ónerkásip, kólik, baılanys, qorǵanys jerleri jatady.
