Foto: oqý-aǵartý mınıstrligi
Mektepter 900 jáne 1200 oqýshy ornyna arnalǵan. Munda 100-den astam oqý kabıneti, onyń ishinde zerthanalary bar fızıka, hımııa, bıologııa kabınetteri, robototehnıka jáne STEM zerthanalary boıynsha synyptar, sondaı-aq 3 sport zaly bar.
Bilim berý nysandarynda erekshe bilim berý qajettilikteri bar balalar úshin barlyq jaǵdaı jasalǵan: pandýstar, tutqalar, kórý qabileti tómen jandarǵa arnalǵan eskertý júıeleri, tablolar men baǵdarlar ornatylǵan.
Esterińizge sala keteıik, 2024-2025 oqý jylynyń basynan beri elimizde 82 myńǵa jýyq oqýshy ornyna arnalǵan 30 jaıly mektep ashylǵan. Onyń ishinde 9 mektep Astana qalasynda, 6 mektep Aqmola, 3 mektep Almaty oblystarynda jáne eki mektepten – Atyraý jáne Jambyl oblystarynda, bir mektepten – Qaraǵandy, Qyzylorda, Túrkistan, Qostanaı jáne Jetisý oblystarynda, sondaı-aq, 1 mektep Almaty, 2 mektep Shymkent qalalarynda ashyldy.
2025 jyldyń sońyna deıin «Jaıly mektep» ulttyq jobasy aıasynda zamanaýı formattaǵy 217 mektepti paıdalanýǵa berý josparlanyp otyr.
