Foto: Astana ákimdigi
Is-sharanyń ashylý saltanatynda stýdentter óz oqý ornyn tanystyrdy.
Uıymdastyrýshylardyń aıtýynsha, osy jylǵy festıvaldiń ereksheligi – sporttyq nomınasııalardyń qosylýy.
Aıta keteıik, festıval 5-14 qarasha aralyǵynda ótedi. Ár kún belgili bir nomınasııaǵa arnalǵan: fýtbol, voleıbol, ústel tennısi, shahmat, estrada, ulttyq bı, zamanaýı bı, ulttyq aspaptar (dombyra), teatr, mobılografııa. Al 14 qarashada gala-konsert ótedi dep josparlanǵan.
Ár nomınasııa boıynsha júldeli orynǵa ıe bolǵan qatysýshylarǵa qarjylaı syılyqtar qarastyrylǵan: 1-orynǵa 100 myń teńge; 2-orynǵa 70 myń teńge; 3-orynǵa 50 myń teńge. Al 10 nomınasııa boıynsha eń úzdik atanǵan joǵary oqý ornyna bas júlde – 500 000 teńge beriledi.
«JASTAR JALYNY» festıvali jastardyń shyǵarmashylyq áleýetin ashý, daryndy jastardy anyqtaý, daryndy balalar men ujymdardyń shyǵarmashylyq damýyna qoldaý kórsetý jáne jaǵdaı jasaý, rýhanı ári mádenı áleýetin damytý, stýdentterge estetıkalyq jáne etıkalyq tárbıe berý júıesin jetildirý, azamattyq, áleýmettik jaýapkershilik, patrıottyq sezim, adamgershilik qundylyqtar men kóshbasshylyq qasıetterdi arttyrý maqsatynda ótkizilip keledi, - dedi Jastar saıasaty máseleleri basqarmasynyń baspasóz hatshysy Ánel Mansurova.
